तेरे बाइ'स मसअला हल हो गया
मैं अधूरा था मुकम्मल हो गया
जान दी उस ने मैं पागल हो गया
और अफ़्साना मुकम्मल हो गया
मुझ को ले कर रेल आगे बढ़ गई
और गीला उस का आँचल हो गया
ये समुंदर किस क़दर था पुर-सुकूँ
चाँद को देखा तो पागल हो गया
अब मिरी अच्छाइयाँ भी ऐब हैं
अब मिरा सोना भी पीतल हो गया
हर तरफ़ हंगामा-हा-ए-दार-ओ-गीर
क्या ये सारा शहर पागल हो गया
ज़ेहन में उतरी थी यादों की बरात
रात फिर जंगल में मंगल हो गया
एक अफ़्साना अधूरा है अभी
एक अफ़्साना मुकम्मल हो गया
ख़ुश्क दरियाओं में ख़ाक उड़ने लगी
और सहराओं में जल-थल हो गया
tere baa.is mas.ala hal ho gayā
maiñ adhūrā thā mukammal ho gayā
jaan dī us ne maiñ pāgal ho gayā
aur afsāna mukammal ho gayā
mujh ko le kar rail aage baḌh ga.ī
aur giilā us kā āñchal ho gayā
ye samundar kis qadar thā pur-sukūñ
chāñd ko dekhā to pāgal ho gayā
ab mirī achhā.iyāñ bhī aib haiñ
ab mirā sonā bhī pītal ho gayā
har taraf hañgāma-hā-e-dār-o-gīr
kyā ye saarā shahr pāgal ho gayā
zehn meñ utrī thī yādoñ kī barāt
raat phir jangal meñ mangal ho gayā
ek afsāna adhūrā hai abhī
ek afsāna mukammal ho gayā
ḳhushk dariyāoñ meñ ḳhaak uḌne lagī
aur sahrāoñ meñ jal-thal ho gayā
تیرے باعث مسئلہ حل ہو گیا
میں ادھورا تھا مکمل ہو گیا
جان دی اس نے میں پاگل ہو گیا
اور افسانہ مکمل ہو گیا
مجھ کو لے کر ریل آگے بڑھ گئی
اور گیلا اس کا آنچل ہو گیا
یہ سمندر کس قدر تھا پر سکوں
چاند کو دیکھا تو پاگل ہو گیا
اب مری اچھائیاں بھی عیب ہیں
اب مرا سونا بھی پیتل ہو گیا
ہر طرف ہنگامہ ہائے دار و گیر
کیا یہ سارا شہر پاگل ہو گیا
ذہن میں اتری تھی یادوں کی برات
رات پھر جنگل میں منگل ہو گیا
ایک افسانہ ادھورا ہے ابھی
ایک افسانہ مکمل ہو گیا
خشک دریاؤں میں خاک اڑنے لگی
اور صحراؤں میں جل تھل ہو گیا