तेरा क्या जाता जो मिलता जाम-ए-रेहानी मुझे
मय के बदले साक़िया तू ने दिया पानी मुझे
मय-गुसारी में वो अब पहली सी कैफ़िय्यत नहीं
दे दिया साक़ी ने क्या बे-कैफ़ सा पानी मुझे
अब किसी मशरूब से दिल चैन पा सकता नहीं
काश वो आ के पिला दे तेग़ का पानी मुझे
दे दिया साक़ी ने भर कर मुझ को भी जाम-ए-शराब
मैं तो कहता ही रहा पानी मुझे पानी मुझे
उस को जानूँ यार मुख़्लिस उस को मानूँ ग़म-गुसार
जो पिला दे रंज में कुल्फ़त-रुबा पानी मुझे
चल पड़ीं साँसें धड़कने लग गईं नब्ज़-ए-हयात
क्या किसी ने दे दिया अंगूर का पानी मुझे
वो तप-ए-ग़म है कि सूखे हैं लब-ओ-काम-ओ-दहन
काश आ कर वो पिलाएँ दीद का पानी मुझे
पी रहा हूँ शौक़ से ऐ 'राज़' जिस को आज तक
एक दिन आख़िर डुबो देगा वही पानी मुझे
terā kyā jaatā jo miltā jām-e-rehānī mujhe
mai ke badle sāqiyā tū ne diyā paanī mujhe
mai-gusārī meñ vo ab pahlī sī kaifiyyat nahīñ
de diyā saaqī ne kyā be-kaif sā paanī mujhe
ab kisī mashrūb se dil chain pā saktā nahīñ
kaash vo aa ke pilā de teġh kā paanī mujhe
de diyā saaqī ne bhar kar mujh ko bhī jām-e-sharāb
maiñ to kahtā hī rahā paanī mujhe paanī mujhe
us ko jānūñ yaar muḳhlis us ko mānūñ ġham-gusār
jo pilā de rañj meñ kulfat-rubā paanī mujhe
chal paḌīñ sāñseñ dhaḌakne lag ga.iiñ nabz-e-hayāt
kyā kisī ne de diyā añgūr kā paanī mujhe
vo tap-e-ġham hai ki sūkhe haiñ lab-o-kām-o-dahan
kaash aa kar vo pilā.eñ diid kā paanī mujhe
pī rahā huuñ shauq se ai 'rāz' jis ko aaj tak
ek din āḳhir Dubo degā vahī paanī mujhe
تیرا کیا جاتا جو ملتا جام ریحانی مجھے
مے کے بدلے ساقیا تو نے دیا پانی مجھے
مے گساری میں وہ اب پہلی سی کیفیت نہیں
دے دیا ساقی نے کیا بے کیف سا پانی مجھے
اب کسی مشروب سے دل چین پا سکتا نہیں
کاش وہ آ کے پلا دے تیغ کا پانی مجھے
دے دیا ساقی نے بھر کر مجھ کو بھی جام شراب
میں تو کہتا ہی رہا پانی مجھے پانی مجھے
اس کو جانوں یار مخلص اس کو مانوں غم گسار
جو پلا دے رنج میں کلفت ربا پانی مجھے
چل پڑیں سانسیں دھڑکنے لگ گئیں نبض حیات
کیا کسی نے دے دیا انگور کا پانی مجھے
وہ تپ غم ہے کہ سوکھے ہیں لب و کام و دہن
کاش آ کر وہ پلائیں دید کا پانی مجھے
پی رہا ہوں شوق سے اے رازؔ جس کو آج تک
ایک دن آخر ڈبو دے گا وہی پانی مجھے