मदहोशियों से काम लिया है कभी कभी
हाथ उन का हम ने थाम लिया है कभी कभी
मय-कश भुला सकेंगे न साक़ी का ये करम
गिरतों को उस ने थाम लिया है कभी कभी
साक़ी ने जो पिलाई हमारी ही थी ख़रीद
हम से भी उस ने दाम लिया है कभी कभी
क्या बात है कि तर्क-ए-तअल्लुक़ के बावजूद
हम ने तुम्हारा नाम लिया है कभी कभी
ऐ फ़र्त-ए-शौक़ हम ने तसव्वुर के फ़ैज़ से
नज़्ज़ारा उन का आम लिया है कभी कभी
ठुकराता कैसे हुस्न की इस पेश-कश को मैं
मजबूर हो के जाम लिया है कभी कभी
देखा कभी नहीं उन्हें ऐ 'राज़' बज़्म में
जल्वा कनार-ए-बाम लिया है कभी कभी
mad.hoshiyoñ se kaam liyā hai kabhī kabhī
haath un kā ham ne thaam liyā hai kabhī kabhī
mai-kash bhulā sakeñge na saaqī kā ye karam
girtoñ ko us ne thaam liyā hai kabhī kabhī
saaqī ne jo pilā.ī hamārī hī thī ḳharīd
ham se bhī us ne daam liyā hai kabhī kabhī
kyā baat hai ki tark-e-ta.alluq ke bāvajūd
ham ne tumhārā naam liyā hai kabhī kabhī
ai fart-e-shauq ham ne tasavvur ke faiz se
nazzāra un kā aam liyā hai kabhī kabhī
Thukrātā kaise husn kī is pesh-kash ko maiñ
majbūr ho ke jaam liyā hai kabhī kabhī
dekhā kabhī nahīñ unheñ ai 'rāz' bazm meñ
jalva kanār-e-bām liyā hai kabhī kabhī
مدہوشیوں سے کام لیا ہے کبھی کبھی
ہاتھ ان کا ہم نے تھام لیا ہے کبھی کبھی
مے کش بھلا سکیں گے نہ ساقی کا یہ کرم
گرتوں کو اس نے تھام لیا ہے کبھی کبھی
ساقی نے جو پلائی ہماری ہی تھی خرید
ہم سے بھی اس نے دام لیا ہے کبھی کبھی
کیا بات ہے کہ ترک تعلق کے باوجود
ہم نے تمہارا نام لیا ہے کبھی کبھی
اے فرط شوق ہم نے تصور کے فیض سے
نظارہ ان کا عام لیا ہے کبھی کبھی
ٹھکراتا کیسے حسن کی اس پیش کش کو میں
مجبور ہو کے جام لیا ہے کبھی کبھی
دیکھا کبھی نہیں انہیں اے رازؔ بزم میں
جلوہ کنار بام لیا ہے کبھی کبھی