तेरा फ़िराक़ अर्सा-ए-महशर लगा मुझे
जब भी ख़याल आया बड़ा डर लगा मुझे
जब भी किया इरादा-ए-तर्क-ए-तअल्लुक़ात
क्या जाने क्यों वो शोख़ हसीं-तर लगा मुझे
परखा तो ज़ुल्मतों के सिवा और कुछ न था
देखा तो एक नूर का पैकर लगा मुझे
ख़ुद अपनी ज़ात पर भी न रह जाए ए'तिबार
ऐ वक़्त हो सके तो वो नश्तर लगा मुझे
क्या जाने किस जहान में बस्ते हैं नर्म-दिल
मैं ने जिसे छुआ वही पत्थर लगा मुझे
इक मर्तबा ज़रूर नज़र फिर से उठ गई
जो क़द भी तेरे क़द के बराबर लगा मुझे
क़िस्मत इसी को कहते हैं फूलों की सेज पर
लेटा जो मैं तो काँटों का बिस्तर लगा मुझे
उस फूल का कलेजा मिला ग़म से पाश पाश
जो फूल देखने में गुल-ए-तर लगा मुझे
दिल हँस के झेल जाए ये बात और है मगर
चरका तिरी निगाह का अक्सर लगा मुझे
दुनिया का ये निज़ाम ये मेआ'र-ए-सीम-ओ-ज़र
कमतर लगा मुझे कभी बद-तर लगा मुझे
उन की गली की बात ही 'क़ादिर' अजीब है
हर शख़्स शे'र-फ़हम-ओ-सुख़नवर लगा मुझे
terā firāq arsa-e-mehshar lagā mujhe
jab bhī ḳhayāl aayā baḌā Dar lagā mujhe
jab bhī kiyā irāda-e-tark-e-ta.alluqāt
kyā jaane kyoñ vo shoḳh hasīñ-tar lagā mujhe
parkhā to zulmatoñ ke sivā aur kuchh na thā
dekhā to ek nuur kā paikar lagā mujhe
ḳhud apnī zaat par bhī na rah jaa.e e'tibār
ai vaqt ho sake to vo nashtar lagā mujhe
kyā jaane kis jahān meñ baste haiñ narm-dil
maiñ ne jise chhuā vahī patthar lagā mujhe
ik martaba zarūr nazar phir se uTh ga.ī
jo qad bhī tere qad ke barābar lagā mujhe
qismat isī ko kahte haiñ phūloñ kī sej par
leTā jo maiñ to kāñToñ kā bistar lagā mujhe
us phuul kā kaleja milā ġham se paash paash
jo phuul dekhne meñ gul-e-tar lagā mujhe
dil hañs ke jhel jaa.e ye baat aur hai magar
charkā tirī nigāh kā aksar lagā mujhe
duniyā kā ye nizām ye me.ār-e-sīm-o-zar
kamtar lagā mujhe kabhī bad-tar lagā mujhe
un kī galī kī baat hī 'qādir' ajiib hai
har shaḳhs sher-fahm-o-suḳhnavar lagā mujhe
تیرا فراق عرصۂ محشر لگا مجھے
جب بھی خیال آیا بڑا ڈر لگا مجھے
جب بھی کیا ارادۂ ترک تعلقات
کیا جانے کیوں وہ شوخ حسیں تر لگا مجھے
پرکھا تو ظلمتوں کے سوا اور کچھ نہ تھا
دیکھا تو ایک نور کا پیکر لگا مجھے
خود اپنی ذات پر بھی نہ رہ جائے اعتبار
اے وقت ہو سکے تو وہ نشتر لگا مجھے
کیا جانے کس جہان میں بستے ہیں نرم دل
میں نے جسے چھوا وہی پتھر لگا مجھے
اک مرتبہ ضرور نظر پھر سے اٹھ گئی
جو قد بھی تیرے قد کے برابر لگا مجھے
قسمت اسی کو کہتے ہیں پھولوں کی سیج پر
لیٹا جو میں تو کانٹوں کا بستر لگا مجھے
اس پھول کا کلیجہ ملا غم سے پاش پاش
جو پھول دیکھنے میں گل تر لگا مجھے
دل ہنس کے جھیل جائے یہ بات اور ہے مگر
چرکا تری نگاہ کا اکثر لگا مجھے
دنیا کا یہ نظام یہ معیار سیم و زر
کمتر لگا مجھے کبھی بد تر لگا مجھے
ان کی گلی کی بات ہی قادرؔ عجیب ہے
ہر شخص شعر فہم و سخنور لگا مجھے