दिल मुज़्महिल है उन के ख़यालों के बावजूद
इक सैल-ए-तीरगी है उजालों के बावजूद
अल्लह री आरिफ़ाना-तजाहुल की शोख़ियाँ
समझे न मेरा हाल मिसालों के बावजूद
बदला न चश्म-ए-शौक़ का कोई भी ज़ाविया
बिगड़े हुए ज़माने की चालों के बावजूद
वारफ़्तगी-ए-शौक़ अजब ताज़ियाना थी
बढ़ना पड़ा है पाँव को छालों के बावजूद
उन की वफ़ा पे आज भी ईमान है मिरा
ऐ वहम तेरे सदहा सवालों के बावजूद
ये कौन सा मक़ाम है ऐ ज़ोम-ए-आगही
कुछ सूझता नहीं है उजालों के बावजूद
कम हो सका न मर्तबा-ए-बे-ख़ुदी-ए-शौक़
अक़्ल-ओ-ख़िरद के सदहा कमालों के बावजूद
इश्क़ इक ख़याल-ए-ख़ाम है उन के ख़याल में
'क़ादिर' के ऐसे चाहने वालों के बावजूद
dil muzmahil hai un ke ḳhayāloñ ke bāvajūd
ik sail-e-tīrgī hai ujāloñ ke bāvajūd
allah rī ārifāna-tajāhul kī shoḳhiyāñ
samjhe na merā haal misāloñ ke bāvajūd
badlā na chashm-e-shauq kā koī bhī zāviya
bigḌe hue zamāne kī chāloñ ke bāvajūd
vāraftagī-e-shauq ajab tāziyāna thī
baḌhnā paḌā hai paañv ko chhāloñ ke bāvajūd
un kī vafā pe aaj bhī īmān hai mirā
ai vahm tere sad.hā savāloñ ke bāvajūd
ye kaun sā maqām hai ai zo.am-e-āgahī
kuchh sūjhtā nahīñ hai ujāloñ ke bāvajūd
kam ho sakā na martaba-e-be-ḳhudī-e-shauq
aql-o-ḳhirad ke sad.hā kamāloñ ke bāvajūd
ishq ik ḳhayāl-e-ḳhām hai un ke ḳhayāl meñ
'qādir' ke aise chāhne vāloñ ke bāvajūd
دل مضمحل ہے ان کے خیالوں کے باوجود
اک سیل تیرگی ہے اجالوں کے باوجود
اللہ ری عارفانہ تجاہل کی شوخیاں
سمجھے نہ میرا حال مثالوں کے باوجود
بدلا نہ چشم شوق کا کوئی بھی زاویہ
بگڑے ہوئے زمانے کی چالوں کے باوجود
وارفتگئ شوق عجب تازیانہ تھی
بڑھنا پڑا ہے پاؤں کو چھالوں کے باوجود
ان کی وفا پہ آج بھی ایمان ہے مرا
اے وہم تیرے صدہا سوالوں کے باوجود
یہ کون سا مقام ہے اے زعم آگہی
کچھ سوجھتا نہیں ہے اجالوں کے باوجود
کم ہو سکا نہ مرتبۂ بے خودیٔ شوق
عقل و خرد کے صدہا کمالوں کے باوجود
عشق اک خیال خام ہے ان کے خیال میں
قادرؔ کے ایسے چاہنے والوں کے باوجود