तौबा की नाज़िशों पे सितम ढा के पी गया
''पी''! उस ने जब कहा तो मैं घबरा के पी गया
दिल ही तो है उठाए कहाँ तक ग़म-ओ-अलम
मैं रोज़ के मलाल से उकता के पी गया
थीं लाख गरचे महशर ओ मरक़द की उलझनें
गुत्थी को ज़ब्त-ए-शौक़ की सुलझा के पी गया
मय-ख़ाना-ए-बहार में मुद्दत का तिश्ना-लब
साक़ी ख़ता-मुआफ़! ख़ता खा के पी गया
निय्यत नहीं ख़राब न आदी हूँ ऐ नदीम!
''आलाम-ए-रोज़गार से तंग आ के पी गया''!
साक़ी के हुस्न-ए-दीदा-ए-मय-गूँ के सामने
मैं जल्वा-ए-बहिश्त को ठुकरा के पी गया
उट्ठा जो अब्र दिल की उमंगें चमक उठीं
लहराईं बिजलियाँ तो मैं लहरा के पी गया
दिल कुछ सुबूत-ए-हिफ़्ज़-ए-शरीअत न दे सका
साक़ी के लुत्फ़-ए-ख़ास पे इतरा के पी गया
tauba kī nāzishoñ pe sitam Dhā ke pī gayā
''pī''! us ne jab kahā to maiñ ghabrā ke pī gayā
dil hī to hai uThā.e kahāñ tak ġham-o-alam
maiñ roz ke malāl se uktā ke pī gayā
thiiñ laakh garche mahshar o marqad kī uljhaneñ
gutthī ko zabt-e-shauq kī suljhā ke pī gayā
mai-ḳhāna-e-bahār meñ muddat kā tishna-lab
saaqī ḳhatā-muāf! ḳhatā khā ke pī gayā
niyyat nahīñ ḳharāb na aadī huuñ ai nadīm!
''ālām-e-rozgār se tañg aa ke pī gayā''!
saaqī ke husn-e-dīda-e-mai-gūñ ke sāmne
maiñ jalva-e-bahisht ko Thukrā ke pī gayā
uTThā jo abr dil kī umañgeñ chamak uThīñ
lahrā.īñ bijliyāñ to maiñ lahrā ke pī gayā
dil kuchh subūt-e-hifz-e-sharī.at na de sakā
saaqī ke lutf-e-ḳhās pe itrā ke pī gayā
توبہ کی نازشوں پہ ستم ڈھا کے پی گیا
''پی''! اس نے جب کہا تو میں گھبرا کے پی گیا
دل ہی تو ہے اٹھائے کہاں تک غم و الم
میں روز کے ملال سے اکتا کے پی گیا
تھیں لاکھ گرچہ محشر و مرقد کی الجھنیں
گتھی کو ضبط شوق کی سلجھا کے پی گیا
مے خانۂ بہار میں مدت کا تشنہ لب
ساقی خطا معاف! خطا کھا کے پی گیا
نیت نہیں خراب نہ عادی ہوں اے ندیم!
''آلام روزگار سے تنگ آ کے پی گیا''!
ساقی کے حسن دیدۂ میگوں کے سامنے
میں جلوۂ بہشت کو ٹھکرا کے پی گیا
اٹھا جو ابر دل کی امنگیں چمک اٹھیں
لہرائیں بجلیاں تو میں لہرا کے پی گیا
دل کچھ ثبوت حفظ شریعت نہ دے سکا
ساقی کے لطف خاص پہ اترا کے پی گیا