तल्ख़ियाँ इस में बहुत कुछ हैं मज़ा कुछ भी नहीं
ज़िंदगी दर्द-ए-मोहब्बत के सिवा कुछ भी नहीं
शम्अ' ख़ामोश भी रहते हुए ख़ामोश कहाँ
इस तरह कह दिया सब कुछ कि कहा कुछ भी नहीं
हम गदायान-ए-मोहब्बत का यही सब कुछ है
गरचे दुनिया यही कहती है वफ़ा कुछ भी नहीं
ये नया तर्ज़-ए-करम है तिरा ऐ फ़स्ल-ए-बहार
ले लिया पास में जो कुछ था दिया कुछ भी नहीं
हम को मा'लूम न था पहले ये आईन-ए-जहाँ
उस को देते हैं सज़ा जिस की ख़ता कुछ भी नहीं
वही आहें वही आँसू के दो क़तरे 'आजिज़'
क्या तिरी शाइ'री में इन के सिवा कुछ भी नहीं
talḳhiyāñ is meñ bahut kuchh haiñ mazā kuchh bhī nahīñ
zindagī dard-e-mohabbat ke sivā kuchh bhī nahīñ
sham.a ḳhāmosh bhī rahte hue ḳhāmosh kahāñ
is tarah kah diyā sab kuchh ki kahā kuchh bhī nahīñ
ham gadāyān-e-mohabbat kā yahī sab kuchh hai
garche duniyā yahī kahtī hai vafā kuchh bhī nahīñ
ye nayā tarz-e-karam hai tirā ai fasl-e-bahār
le liyā paas meñ jo kuchh thā diyā kuchh bhī nahīñ
ham ko ma.alūm na thā pahle ye ā.īn-e-jahāñ
us ko dete haiñ sazā jis kī ḳhatā kuchh bhī nahīñ
vahī aaheñ vahī aañsū ke do qatre 'ājiz'
kyā tirī shā.irī meñ in ke sivā kuchh bhī nahīñ
تلخیاں اس میں بہت کچھ ہیں مزا کچھ بھی نہیں
زندگی درد محبت کے سوا کچھ بھی نہیں
شمع خاموش بھی رہتے ہوئے خاموش کہاں
اس طرح کہہ دیا سب کچھ کہ کہا کچھ بھی نہیں
ہم گدایان محبت کا یہی سب کچھ ہے
گرچہ دنیا یہی کہتی ہے وفا کچھ بھی نہیں
یہ نیا طرز کرم ہے ترا اے فصل بہار
لے لیا پاس میں جو کچھ تھا دیا کچھ بھی نہیں
ہم کو معلوم نہ تھا پہلے یہ آئین جہاں
اس کو دیتے ہیں سزا جس کی خطا کچھ بھی نہیں
وہی آہیں وہی آنسو کے دو قطرے عاجزؔ
کیا تری شاعری میں ان کے سوا کچھ بھی نہیں