तब्सिरा क्यों कर रहे हो बारहा अज्दाद पर
फ़ैसला होगा तुम्हारा आज की बुनियाद पर
बात तेरी मिल-मिला कर ठीक है नक़्क़ाद पर
शे'र अच्छा या बुरा है मुनहसिर है दाद पर
सब हिफ़ाज़त कर रहें हैं मुस्तक़िल दीवार की
जब कि हमला हो रहा है मुस्तक़िल बुनियाद पर
कैसे निकलोगे भला अपने गुनह के जाल से
तुम ने तो इल्ज़ाम सारा रख दिया सय्याद पर
दर-ब-दर फिरना पड़ेगा 'आशिक़ों को 'उम्र भर
ज़ुल्म सहना लाज़मी है वारिस-ए-फ़र्हाद पर
माँ के पैरों के तले जन्नत की ने'मत है मगर
बाप का साया भी 'अहया' चाहिए औलाद पर
tabsira kyoñ kar rahe ho bārhā ajdād par
faisla hogā tumhārā aaj kī buniyād par
baat terī mil-milā kar Thiik hai naqqād par
she'r achchhā yā burā hai munhasir hai daad par
sab hifāzat kar raheñ haiñ mustaqil dīvār kī
jab ki hamla ho rahā hai mustaqil buniyād par
kaise nikloge bhalā apne gunah ke jaal se
tum ne to ilzām saarā rakh diyā sayyād par
dar-ba-dar phirnā paḌegā 'āshiqoñ ko 'umr bhar
zulm sahnā lāzmī hai vāris-e-farhād par
maañ ke pairoñ ke tale jannat kī ne'mat hai magar
baap kā saaya bhī 'ahyā' chāhiye aulād par
تبصرہ کیوں کر رہے ہو بارہا اجداد پر
فیصلہ ہوگا تمہارا آج کی بنیاد پر
بات تیری مل ملا کر ٹھیک ہے نقاد پر
شعر اچھا یا برا ہے منحصر ہے داد پر
سب حفاظت کر رہیں ہیں مستقل دیوار کی
جب کہ حملہ ہو رہا ہے مستقل بنیاد پر
کیسے نکلو گے بھلا اپنے گنہ کے جال سے
تم نے تو الزام سارا رکھ دیا صیاد پر
در بدر پھرنا پڑے گا عاشقوں کو عمر بھر
ظلم سہنا لازمی ہے وارث فرہاد پر
ماں کے پیروں کے تلے جنت کی نعمت ہے مگر
باپ کا سایہ بھی احیاؔ چاہئے اولاد پر