तब्दीलियों की राह पे चलने तो दे मुझे
ख़ुद को बदल रहा हूँ बदलने तो दे मुझे
बच्चा नहीं हूँ मैं जो भटक जाऊँगा कहीं
तन्हा रह-ए-हयात में चलने तो दे मुझे
जलता हुआ चराग़ अगर है मिरा वजूद
फिर अपने दिल के ताक़ में जलने तो दे मुझे
गर मेरी दस्तरस में नहीं आसमाँ का चाँद
महताब-सूरतों से बहलने तो दे मुझे
बन जाऊँगा किरन तिरी सुब्ह-ए-जमाल की
तू अपने रंग रूप में ढलने तो दे मुझे
बार-ए-ग़म-ए-हयात उठा लूँगा और भी
ऐ इंक़िलाब-ए-दहर सँभलने तो दे मुझे
दम तोड़ देंगी ख़ुद ही पुरानी रिवायतें
आईन-ए-मुल्क-ए-शौक़ बदलने तो दे मुझे
मिल जाएगा मुझे भी उजालों का रास्ता
ज़िंदान-ए-तीरगी से निकलने तो दे मुझे
tabdīliyoñ kī raah pe chalne to de mujhe
ḳhud ko badal rahā huuñ badalne to de mujhe
bachcha nahīñ huuñ maiñ jo bhaTak jā.ūñgā kahīñ
tanhā rah-e-hayāt meñ chalne to de mujhe
jaltā huā charāġh agar hai mirā vajūd
phir apne dil ke taaq meñ jalne to de mujhe
gar merī dastaras meñ nahīñ āsmāñ kā chāñd
mahtāb-sūratoñ se bahalne to de mujhe
ban jā.ūñgā kiran tirī sub.h-e-jamāl kī
tū apne rañg ruup meñ Dhalne to de mujhe
bār-e-ġham-e-hayāt uThā lūñgā aur bhī
ai inqilāb-e-dahr sambhalne to de mujhe
dam toḌ deñgī ḳhud hī purānī rivāyateñ
ā.īn-e-mulk-e-shauq badalne to de mujhe
mil jā.egā mujhe bhī ujāloñ kā rāsta
zindān-e-tīrgī se nikalne to de mujhe
تبدیلیوں کی راہ پہ چلنے تو دے مجھے
خود کو بدل رہا ہوں بدلنے تو دے مجھے
بچہ نہیں ہوں میں جو بھٹک جاؤں گا کہیں
تنہا رہ حیات میں چلنے تو دے مجھے
جلتا ہوا چراغ اگر ہے مرا وجود
پھر اپنے دل کے طاق میں جلنے تو دے مجھے
گر میری دسترس میں نہیں آسماں کا چاند
مہتاب صورتوں سے بہلنے تو دے مجھے
بن جاؤں گا کرن تری صبح جمال کی
تو اپنے رنگ روپ میں ڈھلنے تو دے مجھے
بار غم حیات اٹھا لوں گا اور بھی
اے انقلاب دہر سنبھلنے تو دے مجھے
دم توڑ دیں گی خود ہی پرانی روایتیں
آئین ملک شوق بدلنے تو دے مجھے
مل جائے گا مجھے بھی اجالوں کا راستہ
زندان تیرگی سے نکلنے تو دے مجھے