ताज़ा मोहब्बतों का नशा जिस्म-ओ-जाँ में है
फिर मौसम-ए-बहार मिरे गुल्सिताँ में है
इक ख़्वाब है कि बार-ए-दिगर देखते हैं हम
इक आश्ना सी रौशनी सारे मकाँ में है
ताबिश में अपनी महर-ओ-मह-ओ-नज्म से सिवा
जुगनू सी ये ज़मीं जो कफ़-ए-आसमाँ में है
इक शाख़-ए-यासमीन थी कल तक ख़िज़ाँ-असर
और आज सारा बाग़ उसी की अमाँ में है
ख़ुशबू को तर्क कर के न लाए चमन में रंग
इतनी तो सूझ-बूझ मिरे बाग़बाँ में है
लश्कर की आँख माल-ए-ग़नीमत पे है लगी
सालार-ए-फ़ौज और किसी इम्तिहाँ में है
हर जाँ-निसार याद-दहानी में मुंहमिक
नेकी का हर हिसाब दिल-ए-दोस्ताँ में है
हैरत से देखता है समुंदर मिरी तरफ़
कश्ती में कोई बात है या बादबाँ में है
taaza mohabbatoñ kā nasha jism-o-jāñ meñ hai
phir mausam-e-bahār mire gulsitāñ meñ hai
ik ḳhvāb hai ki bār-e-digar dekhte haiñ ham
ik āshnā sī raushnī saare makāñ meñ hai
tābish meñ apnī mahr-o-mah-o-najm se sivā
jugnū sī ye zamīñ jo kaf-e-āsmāñ meñ hai
ik shāḳh-e-yāsmīn thī kal tak ḳhizāñ-asar
aur aaj saarā baaġh usī kī amaañ meñ hai
ḳhushbū ko tark kar ke na laa.e chaman meñ rañg
itnī to sūjh-būjh mire bāġhbāñ meñ hai
lashkar kī aañkh māl-e-ġhanīmat pe hai lagī
sālār-e-fauj aur kisī imtihāñ meñ hai
har jāñ-nisār yād-dahānī meñ munhamik
nekī kā har hisāb dil-e-dostāñ meñ hai
hairat se dekhtā hai samundar mirī taraf
kashtī meñ koī baat hai yā bādbāñ meñ hai
تازہ محبتوں کا نشہ جسم و جاں میں ہے
پھر موسم بہار مرے گلستاں میں ہے
اک خواب ہے کہ بار دگر دیکھتے ہیں ہم
اک آشنا سی روشنی سارے مکاں میں ہے
تابش میں اپنی مہر و مہ و نجم سے سوا
جگنو سی یہ زمیں جو کف آسماں میں ہے
اک شاخ یاسمین تھی کل تک خزاں اثر
اور آج سارا باغ اسی کی اماں میں ہے
خوشبو کو ترک کر کے نہ لائے چمن میں رنگ
اتنی تو سوجھ بوجھ مرے باغباں میں ہے
لشکر کی آنکھ مال غنیمت پہ ہے لگی
سالار فوج اور کسی امتحاں میں ہے
ہر جاں نثار یاد دہانی میں منہمک
نیکی کا ہر حساب دل دوستاں میں ہے
حیرت سے دیکھتا ہے سمندر مری طرف
کشتی میں کوئی بات ہے یا بادباں میں ہے