अब इतनी सादगी लाएँ कहाँ से
ज़मीं की ख़ैर माँगें आसमाँ से
अगर चाहें तो वो दीवार कर दें
हमें अब कुछ नहीं कहना ज़बाँ से
सितारा ही नहीं जब साथ देता
तो कश्ती काम ले क्या बादबाँ से
भटकने से मिले फ़ुर्सत तो पूछें
पता मंज़िल का मीर-ए-कारवाँ से
तवज्जोह बर्क़ की हासिल रही है
सो है आज़ाद फ़िक्र-ए-आशियाँ से
हवा को राज़-दाँ हम ने बनाया
और अब नाराज़ ख़ुशबू के बयाँ से
ज़रूरी हो गई है दिल की ज़ीनत
मकीं पहचाने जाते हैं मकाँ से
फ़ना-फ़िल-इश्क़ होना चाहते थे
मगर फ़ुर्सत न थी कार-ए-जहाँ से
वगर्ना फ़स्ल-ए-गुल की क़द्र क्या थी
बड़ी हिकमत है वाबस्ता ख़िज़ाँ से
किसी ने बात की थी हँस के शायद
ज़माने भर से हैं हम ख़ुद गुमाँ से
मैं इक इक तीर पे ख़ुद ढाल बनती
अगर होता वो दुश्मन की कमाँ से
जो सब्ज़ा देख कर ख़ेमे लगाएँ
उन्हें तकलीफ़ क्यूँ पहुँचे ख़िज़ाँ से
जो अपने पेड़ जलते छोड़ जाएँ
उन्हें क्या हक़ कि रूठें बाग़बाँ से
ab itnī sādgī laa.eñ kahāñ se
zamīñ kī ḳhair māñgeñ āsmāñ se
agar chāheñ to vo dīvār kar deñ
hameñ ab kuchh nahīñ kahnā zabāñ se
sitāra hī nahīñ jab saath detā
to kashtī kaam le kyā bādbāñ se
bhaTakne se mile fursat to pūchheñ
patā manzil kā mīr-e-kārvāñ se
tavajjoh barq kī hāsil rahī hai
so hai āzād fikr-e-āshiyāñ se
havā ko rāz-dāñ ham ne banāyā
aur ab nārāz ḳhushbū ke bayāñ se
zarūrī ho ga.ī hai dil kī zīnat
makīñ pahchāne jaate haiñ makāñ se
fanā-fil-ishq honā chāhte the
magar fursat na thī kār-e-jahāñ se
vagarna fasl-e-gul kī qadr kyā thī
baḌī hikmat hai vābasta ḳhizāñ se
kisī ne baat kī thī hañs ke shāyad
zamāne bhar se haiñ ham ḳhud gumāñ se
maiñ ik ik tiir pe ḳhud Dhaal bantī
agar hotā vo dushman kī kamāñ se
jo sabza dekh kar ḳheme lagā.eñ
unheñ taklīf kyuuñ pahuñche ḳhizāñ se
jo apne peḌ jalte chhoḌ jaa.eñ
unheñ kyā haq ki rūTheñ bāġhbāñ se
اب اتنی سادگی لائیں کہاں سے
زمیں کی خیر مانگیں آسماں سے
اگر چاہیں تو وہ دیوار کر دیں
ہمیں اب کچھ نہیں کہنا زباں سے
ستارہ ہی نہیں جب ساتھ دیتا
تو کشتی کام لے کیا بادباں سے
بھٹکنے سے ملے فرصت تو پوچھیں
پتا منزل کا میر کارواں سے
توجہ برق کی حاصل رہی ہے
سو ہے آزاد فکر آشیاں سے
ہوا کو رازداں ہم نے بنایا
اور اب ناراض خوشبو کے بیاں سے
ضروری ہو گئی ہے دل کی زینت
مکیں پہچانے جاتے ہیں مکاں سے
فنا فی العشق ہونا چاہتے تھے
مگر فرصت نہ تھی کار جہاں سے
وگرنہ فصل گل کی قدر کیا تھی
بڑی حکمت ہے وابستہ خزاں سے
کسی نے بات کی تھی ہنس کے شاید
زمانے بھر سے ہیں ہم خود گماں سے
میں اک اک تیر پہ خود ڈھال بنتی
اگر ہوتا وہ دشمن کی کماں سے
جو سبزہ دیکھ کر خیمے لگائیں
انہیں تکلیف کیوں پہنچے خزاں سے
جو اپنے پیڑ جلتے چھوڑ جائیں
انہیں کیا حق کہ روٹھیں باغباں سے