आँखों से मेरी कौन मिरे ख़्वाब ले गया
चश्म-ए-सदफ़ से गौहर-ए-नायाब ले गया
तूफ़ान-ए-अब्र-ओ-बाद में सब गीत खो गए
झोंका हवा का हाथ से मिज़राब ले गया
कुछ ना-ख़ुदा के फ़ैज़ से साहिल भी दूर था
कुछ क़िस्मतों के फेर में गिर्दाब ले गया
उस शहर-ए-ख़ुश-जमाल को किस की लगी है आह
किस ग़म-ज़दा का गिर्या-ए-ख़ूनाब ले गया
वाँ शहर डूब डूब गए और इधर ये बहस
ख़ुम ले गया है या ख़म-ए-मेहराब ले गया
कुछ खोई खोई आँखें भी मौजों के साथ थीं
शायद उन्हें बहा के कोई ख़्वाब ले गया
ग़ैरों की दुश्मनी ने न मारा मगर हमें
अपनों के इल्तिफ़ात का ज़हराब ले गया
ऐ आँख अब तो ख़्वाब की दुनिया से लौट आ
मिज़्गाँ तो खोल शहर को सैलाब ले गया
āñkhoñ se merī kaun mire ḳhvāb le gayā
chashm-e-sadaf se gauhar-e-nāyāb le gayā
tūfān-e-abr-o-bād meñ sab giit kho gaye
jhoñkā havā kā haath se mizrāb le gayā
kuchh nā-ḳhudā ke faiz se sāhil bhī duur thā
kuchh qismatoñ ke pher meñ girdāb le gayā
us shahr-e-ḳhush-jamāl ko kis kī lagī hai aah
kis ġham-zada kā girya-e-ḳhūnāb le gayā
vaañ shahr Duub Duub gaye aur idhar ye bahs
ḳhum le gayā hai yā ḳham-e-mehrāb le gayā
kuchh khoī khoī āñkheñ bhī maujoñ ke saath thiiñ
shāyad unheñ bahā ke koī ḳhvāb le gayā
ġhairoñ kī dushmanī ne na maarā magar hameñ
apnoñ ke iltifāt kā zahrāb le gayā
ai aañkh ab to ḳhvāb kī duniyā se lauT aa
mizhgāñ to khol shahr ko sailāb le gayā
آنکھوں سے میری کون مرے خواب لے گیا
چشم صدف سے گوہر نایاب لے گیا
طوفان ابر و باد میں سب گیت کھو گئے
جھونکا ہوا کا ہاتھ سے مضراب لے گیا
کچھ ناخدا کے فیض سے ساحل بھی دور تھا
کچھ قسمتوں کے پھیر میں گرداب لے گیا
اس شہر خوش جمال کو کس کی لگی ہے آہ
کس غم زدہ کا گریۂ خوناب لے گیا
واں شہر ڈوب ڈوب گئے اور ادھر یہ بحث
خم لے گیا ہے یا خم محراب لے گیا
کچھ کھوئی کھوئی آنکھیں بھی موجوں کے ساتھ تھیں
شاید انہیں بہا کے کوئی خواب لے گیا
غیروں کی دشمنی نے نہ مارا مگر ہمیں
اپنوں کے التفات کا زہراب لے گیا
اے آنکھ اب تو خواب کی دنیا سے لوٹ آ
مژگاں تو کھول شہر کو سیلاب لے گیا