सूरज भी सर पे हो तो उसे साएबाँ कहें
अब दश्त ही को आओ हम अपना मकाँ कहें
हों एक आसमान-ओ-ज़मीं जिस जगह वहाँ
समझें किसे ज़मीन किसे आसमाँ कहें
रिंदों को मय-कदे की सियासत से क्या ग़रज़
जो भी पिलाए हम उसे पीर-ए-मुग़ाँ कहें
चुप बैठ कर भी दोस्तो कटती कहाँ है रात
इस ख़ामोशी में क्यों न कोई दास्ताँ कहें
जब वो हर एक शय में है जल्वा-नुमा तो फिर
क्या बात है कि लोग उसे बे-निशाँ कहें
खुलता नहीं कि कौन हमारा हरीफ़ है
आता नहीं समझ में किसे मेहरबाँ कहें
ज़र्रा भी है लिए हुए सहरा की वुस'अतें
क़तरा भी है वो बहर जिसे बे-कराँ कहें
बे-साख़्ता निकल तो पड़ी है सदा-ए-दिल
अब लोग इस को गीत कहें या फ़ुग़ाँ कहें
'ख़ावर' जब इस की गोद के पाले हुए हैं हम
फिर क्यों न अपने देस को हम अपनी माँ कहें
sūraj bhī sar pe ho to use sā.ebāñ kaheñ
ab dasht hī ko aao ham apnā makāñ kaheñ
hoñ ek āsmān-o-zamīñ jis jagah vahāñ
samjheñ kise zamīn kise āsmāñ kaheñ
rindoñ ko mai-kade kī siyāsat se kyā ġharaz
jo bhī pilā.e ham use pīr-e-muġhāñ kaheñ
chup baiTh kar bhī dosto kaTtī kahāñ hai raat
is ḳhāmoshī meñ kyoñ na koī dāstāñ kaheñ
jab vo har ek shai meñ hai jalva-numā to phir
kyā baat hai ki log use be-nishāñ kaheñ
khultā nahīñ ki kaun hamārā harīf hai
aatā nahīñ samajh meñ kise mehrbāñ kaheñ
zarra bhī hai liye hue sahrā kī vus'ateñ
qatra bhī hai vo bahr jise be-karāñ kaheñ
be-sāḳhta nikal to paḌī hai sadā-e-dil
ab log is ko giit kaheñ yā fuġhāñ kaheñ
'ḳhāvar' jab is kī god ke paale hue haiñ ham
phir kyoñ na apne des ko ham apnī maañ kaheñ
سورج بھی سر پہ ہو تو اسے سائباں کہیں
اب دشت ہی کو آؤ ہم اپنا مکاں کہیں
ہوں ایک آسمان و زمیں جس جگہ وہاں
سمجھیں کسے زمین کسے آسماں کہیں
رندوں کو میکدے کی سیاست سے کیا غرض
جو بھی پلائے ہم اسے پیر مغاں کہیں
چپ بیٹھ کر بھی دوستو کٹتی کہاں ہے رات
اس خاموشی میں کیوں نہ کوئی داستاں کہیں
جب وہ ہر ایک شے میں ہے جلوہ نما تو پھر
کیا بات ہے کہ لوگ اسے بے نشاں کہیں
کھلتا نہیں کہ کون ہمارا حریف ہے
آتا نہیں سمجھ میں کسے مہرباں کہیں
ذرہ بھی ہے لیے ہوئے صحرا کی وسعتیں
قطرہ بھی ہے وہ بحر جسے بے کراں کہیں
بے ساختہ نکل تو پڑی ہے صدائے دل
اب لوگ اس کو گیت کہیں یا فغاں کہیں
خاورؔ جب اس کی گود کے پالے ہوئے ہیں ہم
پھر کیوں نہ اپنے دیس کو ہم اپنی ماں کہیں