सितारों से भरा ये आसमाँ कैसा लगेगा
हमारे बा'द तुम को ये जहाँ कैसा लगेगा
थके-हारे हुए सूरज की भीगी रौशनी में
हवाओं से उलझता बादबाँ कैसा लगेगा
जमे क़दमों के नीचे से फिसलती जाएगी रेत
बिखर जाएगी जब उम्र-ए-रवाँ कैसा लगेगा
इसी मिट्टी में मिल जाएगी पूँजी उम्र भर की
गिरेगी जिस घड़ी दीवार-ए-जाँ कैसा लगेगा
बहुत इतरा रहे हो दिल की बाज़ी जीतने पर
ज़ियाँ बा'द अज़ ज़ियाँ बा'द अज़ ज़ियाँ कैसा लगेगा
वो जिस के बा'द होगी इक मुसलसल बे-नियाज़ी
घड़ी भर का वो सब शोर ओ फ़ुग़ाँ कैसा लगेगा
अभी से क्या बताएँ मर्ग-ए-मजनूँ की ख़बर पर
सुलूक-ए-कूचा-ए-ना-मेहरबाँ कैसा लगेगा
बताओ तो सही ऐ जान-ए-जाँ कैसा लगेगा
सितारों से भरा ये आसमाँ कैसा लगेगा
sitāroñ se bharā ye āsmāñ kaisā lagegā
hamāre ba.ad tum ko ye jahāñ kaisā lagegā
thake-hāre hue sūraj kī bhīgī raushnī meñ
havāoñ se ulajhtā bādbāñ kaisā lagegā
jame qadmoñ ke nīche se phisaltī jā.egī ret
bikhar jā.egī jab umr-e-ravāñ kaisā lagegā
isī miTTī meñ mil jā.egī pūñjī umr bhar kī
giregī jis ghaḌī dīvār-e-jāñ kaisā lagegā
bahut itrā rahe ho dil kī baazī jītne par
ziyāñ ba.ad az ziyāñ ba.ad az ziyāñ kaisā lagegā
vo jis ke ba.ad hogī ik musalsal be-niyāzī
ghaḌī bhar kā vo sab shor o fuġhāñ kaisā lagegā
abhī se kyā batā.eñ marg-e-majnūñ kī ḳhabar par
sulūk-e-kūcha-e-nā-mehrbāñ kaisā lagegā
batāo to sahī ai jān-e-jāñ kaisā lagegā
sitāroñ se bharā ye āsmāñ kaisā lagegā
ستاروں سے بھرا یہ آسماں کیسا لگے گا
ہمارے بعد تم کو یہ جہاں کیسا لگے گا
تھکے ہارے ہوئے سورج کی بھیگی روشنی میں
ہواؤں سے الجھتا بادباں کیسا لگے گا
جمے قدموں کے نیچے سے پھسلتی جائے گی ریت
بکھر جائے گی جب عمر رواں کیسا لگے گا
اسی مٹی میں مل جائے گی پونجی عمر بھر کی
گرے گی جس گھڑی دیوار جاں کیسا لگے گا
بہت اترا رہے ہو دل کی بازی جیتنے پر
زیاں بعد از زیاں بعد از زیاں کیسا لگے گا
وہ جس کے بعد ہوگی اک مسلسل بے نیازی
گھڑی بھر کا وہ سب شور و فغاں کیسا لگے گا
ابھی سے کیا بتائیں مرگ مجنوں کی خبر پر
سلوک کوچۂ نا مہرباں کیسا لگے گا
بتاؤ تو سہی اے جان جاں کیسا لگے گا
ستاروں سے بھرا یہ آسماں کیسا لگے گا