सीने का दाग़ दाग़ फ़रोज़ाँ किए हुए
बैठे हैं बज़्म-ए-दोस्त चराग़ाँ किए हुए
ओ जाने वाले दिल को बयाबाँ किए हुए
आना पड़ेगा चाक गरेबाँ किए हुए
यारब जुनून-ए-तर्क-ए-मोहब्बत की ख़ैर हो
वो आ रहे हैं अज़्म-ए-दिल-ओ-जाँ किए हुए
बैठे हैं बज़्म-ए-दोस्त में आशुफ़्तगान-ए-ग़म
अश्क-ए-चकीदा ज़ीनत-ए-मिज़्गाँ किए हुए
सरगर्म-ए-इल्तिफ़ात है फिर चश्म-ए-मुन्फ़इल
पलकों की ओट हश्र का सामाँ किए हुए
अब हम हैं और हसरत-ए-फ़स्ल-ए-बहार 'राज़'
मुद्दत हुई है चाक गरेबाँ किए हुए
siine kā daaġh daaġh farozāñ kiye hue
baiThe haiñ bazm-e-dost charāġhāñ kiye hue
o jaane vaale dil ko bayābāñ kiye hue
aanā paḌegā chaak garebāñ kiye hue
yārab junūn-e-tark-e-mohabbat kī ḳhair ho
vo aa rahe haiñ azm-e-dil-o-jāñ kiye hue
baiThe haiñ bazm-e-dost meñ āshuftagān-e-ġham
ashk-e-chakīda zīnat-e-mizhgāñ kiye hue
sargarm-e-iltifāt hai phir chashm-e-munfa.il
palkoñ kī oT hashr kā sāmāñ kiye hue
ab ham haiñ aur hasrat-e-fasl-e-bahār 'rāz'
muddat huī hai chaak garebāñ kiye hue
سینے کا داغ داغ فروزاں کئے ہوئے
بیٹھے ہیں بزم دوست چراغاں کئے ہوئے
او جانے والے دل کو بیاباں کئے ہوئے
آنا پڑے گا چاک گریباں کئے ہوئے
یا رب جنون ترک محبت کی خیر ہو
وہ آ رہے ہیں عزم دل و جاں کئے ہوئے
بیٹھے ہیں بزم دوست میں آشفتگان غم
اشک چکیدہ زینت مژگاں کئے ہوئے
سرگرم التفات ہے پھر چشم منفعل
پلکوں کی اوٹ حشر کا ساماں کئے ہوئے
اب ہم ہیں اور حسرت فصل بہار رازؔ
مدت ہوئی ہے چاک گریباں کئے ہوئے