शुऊर-ए-नौ-उम्र हूँ न मुझ को मता-ए-रंज-ओ-मलाल देना
कि मुझ को आता नहीं ग़मों को ख़ुशी के साँचों मैं ढाल देना
हुदूद में अपनी रह के शायद बचा सकूँ मैं वजूद अपना
मैं एक क़तरा हूँ मुझ को दरिया के रास्ते पर न डाल देना
अगर ख़ला में पहुँच गया तो पलट के वापस न आ सकूँगा
तुम अपनी हद्द-ए-कशिश से ऊँचा न मुझ को यारो उछाल देना
वो सूरतन आदमी है लेकिन मिज़ाज से मार-ए-आस्तीं है
अगर उसे आस्तीं में रखना तो ज़हर पहले निकाल देना
न जाने खिड़की से झाँकती ये किरन किसे रास्ता दिखा दे
तुम अपने कमरे की खिड़कियों पर दबीज़ पर्दे न डाल देना
सुकूत-ए-शब तोड़ने की ख़ातिर भी कोई हंगामा साथ रखना
न शाम होते ही हर तमन्ना को क़ैद-ख़ाने मैं डाल देना
ये हम ने माना कि तुम में सूरज की सी तपिश है मगर ये सुन लो
कि हम समुंदर हैं और आसाँ नहीं समुंदर उबाल देना
shu.ūr-e-nau-umr huuñ na mujh ko matā-e-rañj-o-malāl denā
ki mujh ko aatā nahīñ ġhamoñ ko ḳhushī ke sāñchoñ maiñ Dhaal denā
hudūd meñ apnī rah ke shāyad bachā sakūñ maiñ vajūd apnā
maiñ ek qatra huuñ mujh ko dariyā ke rāste par na Daal denā
agar ḳhalā meñ pahuñch gayā to palaT ke vāpas na aa sakūñgā
tum apnī hadd-e-kashish se ūñchā na mujh ko yaaro uchhāl denā
vo sūratan aadmī hai lekin mizāj se mār-e-āstīñ hai
agar use āstīñ meñ rakhnā to zahr pahle nikāl denā
na jaane khiḌkī se jhāñktī ye kiran kise rāsta dikhā de
tum apne kamre kī khiḌkiyoñ par dabīz parde na Daal denā
sukūt-e-shab toḌne kī ḳhātir bhī koī hañgāma saath rakhnā
na shaam hote hī har tamannā ko qaid-ḳhāne maiñ Daal denā
ye ham ne maanā ki tum meñ sūraj kī sī tapish hai magar ye sun lo
ki ham samundar haiñ aur āsāñ nahīñ samundar ubaal denā
شعور نو عمر ہوں نہ مجھ کو متاع رنج و ملال دینا
کہ مجھ کو آتا نہیں غموں کو خوشی کے سانچوں میں ڈھال دینا
حدود میں اپنی رہ کے شاید بچا سکوں میں وجود اپنا
میں ایک قطرہ ہوں مجھ کو دریا کے راستے پر نہ ڈال دینا
اگر خلا میں پہنچ گیا تو پلٹ کے واپس نہ آ سکوں گا
تم اپنی حد کشش سے اونچا نہ مجھ کو یارو اچھال دینا
وہ صورتاً آدمی ہے لیکن مزاج سے مار آستیں ہے
اگر اسے آستیں میں رکھنا تو زہر پہلے نکال دینا
نہ جانے کھڑکی سے جھانکتی یہ کرن کسے راستہ دکھا دے
تم اپنے کمرے کی کھڑکیوں پر دبیز پردے نہ ڈال دینا
سکوت شب توڑنے کی خاطر بھی کوئی ہنگامہ ساتھ رکھنا
نہ شام ہوتے ہی ہر تمنا کو قید خانے میں ڈال دینا
یہ ہم نے مانا کہ تم میں سورج کی سی تپش ہے مگر یہ سن لو
کہ ہم سمندر ہیں اور آساں نہیں سمندر ابال دینا