शिकस्ता-पर जुनूँ को आज़माएँगे नहीं क्या
उड़ानों के लिए पर फड़फड़ाएँगे नहीं क्या
हवाएँ मेहरबाँ थीं मुंतक़िम क्यूँ हो गई हैं
निगह-वरान-ए-साहिल कुछ बताएँगे नहीं क्या
कोई हँसता हुआ सूरज पस-ए-दीवार-ए-तारीक
फ़िरोज़ाँ हो तो दीवारें गिराएँगे नहीं क्या
वही पहली सी अर्ज़ानी सर-ए-बाज़ार-ए-पिंदार
नज़र आए तो हम क़ीमत बढ़ाएँगे नहीं क्या
सवाद-ए-तिश्नगी के पार इक मव्वाज दरिया
ग़ज़ल-ख़्वाँ हो तो फिर तेशे उठाएँगे नहीं क्या
बदलते मौसमों की धूल होते रास्तों को
थके-हारे मुसाफ़िर याद आएँगे नहीं क्या
shikasta-par junūñ ko āzmā.eñge nahīñ kyā
uḌānoñ ke liye par phaḌphaḌā.eñge nahīñ kyā
havā.eñ mehrbāñ thiiñ muntaqim kyuuñ ho ga.ī haiñ
nigah-varān-e-sāhil kuchh batā.eñge nahīñ kyā
koī hañstā huā sūraj pas-e-dīvār-e-tārīk
firozāñ ho to dīvāreñ girā.eñge nahīñ kyā
vahī pahlī sī arzānī sar-e-bāzār-e-pindār
nazar aa.e to ham qīmat baḌhā.eñge nahīñ kyā
savād-e-tishnagī ke paar ik mavvāj dariyā
ġhazal-ḳhvāñ ho to phir teshe uThā.eñge nahīñ kyā
badalte mausamoñ kī dhuul hote rāstoñ ko
thake-hāre musāfir yaad ā.eñge nahīñ kyā
شکستہ پر جنوں کو آزمائیں گے نہیں کیا
اڑانوں کے لیے پر پھڑپھڑائیں گے نہیں کیا
ہوائیں مہرباں تھیں منتقم کیوں ہو گئی ہیں
نگہ واران ساحل کچھ بتائیں گے نہیں کیا
کوئی ہنستا ہوا سورج پس دیوار تاریک
فروزاں ہو تو دیواریں گرائیں گے نہیں کیا
وہی پہلی سی ارزانی سر بازار پندار
نظر آئے تو ہم قیمت بڑھائیں گے نہیں کیا
سواد تشنگی کے پار اک مواج دریا
غزل خواں ہو تو پھر تیشے اٹھائیں گے نہیں کیا
بدلتے موسموں کی دھول ہوتے راستوں کو
تھکے ہارے مسافر یاد آئیں گے نہیں کیا