शिकस्ता-हाल सा बे-आसरा सा लगता है
ये शहर दिल से ज़ियादा दुखा सा लगता है
हर इक के साथ कोई वाक़ि'आ सा लगता है
जिसे भी देखो वो खोया हुआ सा लगता है
ज़मीन है सो वो अपनी गर्दिशों में कहीं
जो चाँद है सो वो टूटा हुआ सा लगता है
मिरे वतन पे उतरते हुए अँधेरों को
जो तुम कहो मुझे क़हर-ए-ख़ुदा सा लगता है
जो शाम आई तो फिर शाम का लगा दरबार
जो दिन हुआ तो वो दिन कर्बला सा लगता है
ये रात खा गई इक एक कर के सारे चराग़
जो रह गया है वो बुझता हुआ सा लगता है
दु'आ करो कि मैं उस के लिए दु'आ हो जाऊँ
वो एक शख़्स जो दिल को दु'आ सा लगता है
तो दिल में बुझने सी लगती है काएनात तमाम
कभी कभी जो मुझे तू बुझा सा लगता है
जो आ रही है सदा ग़ौर से सुनो उस को
कि इस सदा में ख़ुदा बोलता सा लगता है
अभी ख़रीद लें दुनिया कहाँ की महँगी है
मगर ज़मीर का सौदा बुरा सा लगता है
ये मौत है या कोई आख़िरी विसाल के बा'द
'अजब सुकून में सोया हुआ सा लगता है
हवा-ए-रंग-ए-दो-आलम में जागती हुई लय
'अलीम' ही कहीं नग़्मा-सरा सा लगता है
shikasta-hāl sā be-āsrā sā lagtā hai
ye shahr dil se ziyāda dukhā sā lagtā hai
har ik ke saath koī vāqi'a sā lagtā hai
jise bhī dekho vo khoyā huā sā lagtā hai
zamīn hai so vo apnī gardishoñ meñ kahīñ
jo chāñd hai so vo TuuTā huā sā lagtā hai
mire vatan pe utarte hue añdheroñ ko
jo tum kaho mujhe qahr-e-ḳhudā sā lagtā hai
jo shaam aa.ī to phir shaam kā lagā darbār
jo din huā to vo din karbalā sā lagtā hai
ye raat khā ga.ī ik ek kar ke saare charāġh
jo rah gayā hai vo bujhtā huā sā lagtā hai
du'ā karo ki maiñ us ke liye du'ā ho jā.ūñ
vo ek shaḳhs jo dil ko du'ā sā lagtā hai
to dil meñ bujhne sī lagtī hai kā.enāt tamām
kabhī kabhī jo mujhe tū bujhā sā lagtā hai
jo aa rahī hai sadā ġhaur se suno us ko
ki is sadā meñ ḳhudā boltā sā lagtā hai
abhī ḳharīd leñ duniyā kahāñ kī mahñgī hai
magar zamīr kā saudā burā sā lagtā hai
ye maut hai yā koī āḳhirī visāl ke baa'd
'ajab sukūn meñ soyā huā sā lagtā hai
havā-e-rañg-e-do-ālam meñ jāgtī huī lai
'alīm' hī kahīñ naġhma-sarā sā lagtā hai
شکستہ حال سا بے آسرا سا لگتا ہے
یہ شہر دل سے زیادہ دکھا سا لگتا ہے
ہر اک کے ساتھ کوئی واقعہ سا لگتا ہے
جسے بھی دیکھو وہ کھویا ہوا سا لگتا ہے
زمین ہے سو وہ اپنی گردشوں میں کہیں
جو چاند ہے سو وہ ٹوٹا ہوا سا لگتا ہے
مرے وطن پہ اترتے ہوئے اندھیروں کو
جو تم کہو مجھے قہر خدا سا لگتا ہے
جو شام آئی تو پھر شام کا لگا دربار
جو دن ہوا تو وہ دن کربلا سا لگتا ہے
یہ رات کھا گئی اک ایک کر کے سارے چراغ
جو رہ گیا ہے وہ بجھتا ہوا سا لگتا ہے
دعا کرو کہ میں اس کے لیے دعا ہو جاؤں
وہ ایک شخص جو دل کو دعا سا لگتا ہے
تو دل میں بجھنے سی لگتی ہے کائنات تمام
کبھی کبھی جو مجھے تو بجھا سا لگتا ہے
جو آ رہی ہے صدا غور سے سنو اس کو
کہ اس صدا میں خدا بولتا سا لگتا ہے
ابھی خرید لیں دنیا کہاں کی مہنگی ہے
مگر ضمیر کا سودا برا سا لگتا ہے
یہ موت ہے یا کوئی آخری وصال کے بعد
عجب سکون میں سویا ہوا سا لگتا ہے
ہوائے رنگ دو عالم میں جاگتی ہوئی لے
علیمؔ ہی کہیں نغمہ سرا سا لگتا ہے