शराब पी जान तन में आई अलम से था दिल कबाब कैसा
गले से लग जाओ आओ साहब कहाँ का पर्दा हिजाब कैसा
अब आओ भी हर तरफ़ तकल्लुफ़ नक़ाब कैसी कहाँ का पर्दा
झुकाए क्यूँ सर हो शर्म से तुम 'अयाँ है रुख़ से हिजाब कैसा
बढ़ा जो मैं रख के उज़्र-ए-मस्ती कहा ये हँस कर चढ़ा के तेवरी
हटो ज़रा होश में रहो जी सँभालो दिल इज़्तिराब कैसा
तुम्हें मुबारक हो जो लिया है भुला दो जो हम को दे दिया है
जो हो गया उस का ज़िक्र क्या है ये दोस्तों में हिसाब कैसा
बहार के दिन हैं क्या मज़ा है शराब का दौर चल रहा है
लगा है सब्ज़ा चमन खुला है बरस रहा है सहाब कैसा
मैं रश्क-ए-मजनूँ हूँ देख इधर तू न ला सबा गुलसिताँ की ख़ुशबू
ग़ुबार की है दिमाग़ को ख़ू कहाँ का 'इत्र और गुलाब कैसा
वो चश्म करती है सैद आहू हैं इतने तीर-ए-मिज़ा तराज़ू
पुकार होगी ये कल को हर सू करीह है मुश्क-ए-नाब कैसा
कभी वो मस्ती में रंग लाए कभी किया शाद मुस्कुराए
'अजब तरह के मज़े उठाए विसाल की शब में ख़्वाब कैसा
न मेल कर साक़िया यूँही दे पसंद मुझ को नहीं कोई शय
जिगर पे चरका लगे पियापे कहाँ का पानी गुलाब कैसा
नहीं है दोज़ख़ का दिल को कुछ ग़म मिरी भी सुन नासेहा ज़रा थम
रहीम वो पुर-गुनाह हैं हम 'अज़ाब कैसा सवाब कैसा
जो रोज़ है रुख़ तो ज़ुल्फ़ है शब ज़क़न है मानिंद चाह-ए-नख़शब
ये हाल है बचपने में या-रब तो होगा 'अहद-ए-शबाब कैसा
ये दौर है चश्म-ए-सुर्मा-गूँ का फ़लक है इक क़तरा बहर-ए-ख़ूँ का
जहान में रंग है फ़ुसूँ का है मस्त हर शैख़-ओ-शबाब कैसा
'हबीब' हैं बंद काम तेरे कहाँ हैं शाह-ए-अनाम तेरे
नहीं पहुँचते इमाम तेरे है बंदा-ए-बू-तुराब कैसा
sharāb pī jaan tan meñ aa.ī alam se thā dil kabāb kaisā
gale se lag jaao aao sāhab kahāñ kā parda hijāb kaisā
ab aao bhī har taraf takalluf naqāb kaisī kahāñ kā parda
jhukā.e kyuuñ sar ho sharm se tum 'ayāñ hai ruḳh se hijāb kaisā
baḌhā jo maiñ rakh ke uzr-e-mastī kahā ye hañs kar chaḌhā ke tevrī
haTo zarā hosh meñ raho jī sañbhālo dil iztirāb kaisā
tumheñ mubārak ho jo liyā hai bhulā do jo ham ko de diyā hai
jo ho gayā us kā zikr kyā hai ye dostoñ meñ hisāb kaisā
bahār ke din haiñ kyā maza hai sharāb kā daur chal rahā hai
lagā hai sabza chaman khulā hai baras rahā hai sahāb kaisā
maiñ rashk-e-majnūñ huuñ dekh idhar tū na lā sabā gulsitāñ kī ḳhushbū
ġhubār kī hai dimāġh ko ḳhū kahāñ kā 'itr aur gulāb kaisā
vo chashm kartī hai said aahū haiñ itne tīr-e-mizha tarāzū
pukār hogī ye kal ko har sū karīh hai mushk-e-nāb kaisā
kabhī vo mastī meñ rang laa.e kabhī kiyā shaad muskurā.e
'ajab tarah ke maze uThā.e visāl kī shab meñ ḳhvāb kaisā
na mel kar sāqiyā yūñhī de pasand mujh ko nahīñ koī shai
jigar pe charkā lage piyāpe kahāñ kā paanī gulāb kaisā
nahīñ hai dozaḳh kā dil ko kuchh ġham mirī bhī sun nāsehā zarā tham
rahīm vo pur-gunāh haiñ ham 'azāb kaisā savāb kaisā
jo roz hai ruḳh to zulf hai shab zaqan hai mānind chāh-e-naḳhshab
ye haal hai bachpane meñ yā-rab to hogā 'ahd-e-shabāb kaisā
ye daur hai chashm-e-surma-gūñ kā falak hai ik qatra bahr-e-ḳhūñ kā
jahān meñ rang hai fusūñ kā hai mast har shaiḳh-o-shabāb kaisā
'habīb' haiñ band kaam tere kahāñ haiñ shāh-e-anām tere
nahīñ pahuñchte imaam tere hai banda-e-bū-turāb kaisā
شراب پی جان تن میں آئی الم سے تھا دل کباب کیسا
گلے سے لگ جاؤ آؤ صاحب کہاں کا پردہ حجاب کیسا
اب آؤ بھی ہر طرف تکلف نقاب کیسی کہاں کا پردہ
جھکائے کیوں سر ہو شرم سے تم عیاں ہے رخ سے حجاب کیسا
بڑھا جو میں رکھ کے عذر مستی کہا یہ ہنس کر چڑھا کے تیوری
ہٹو ذرا ہوش میں رہو جی سنبھالو دل اضطراب کیسا
تمہیں مبارک ہو جو لیا ہے بھلا دو جو ہم کو دے دیا ہے
جو ہو گیا اس کا ذکر کیا ہے یہ دوستوں میں حساب کیسا
بہار کے دن ہیں کیا مزہ ہے شراب کا دور چل رہا ہے
لگا ہے سبزہ چمن کھلا ہے برس رہا ہے سحاب کیسا
میں رشک مجنوں ہوں دیکھ ادھر تو نہ لا صبا گلستاں کی خوشبو
غبار کی ہے دماغ کو خو کہاں کا عطر اور گلاب کیسا
وہ چشم کرتی ہے صید آہو ہیں اتنے تیر مژہ ترازو
پکار ہوگی یہ کل کو ہر سو کریہہ ہے مشک ناب کیسا
کبھی وہ مستی میں رنگ لائے کبھی کیا شاد مسکرائے
عجب طرح کے مزے اٹھائے وصال کی شب میں خواب کیسا
نہ میل کر ساقیا یوں ہی دے پسند مجھ کو نہیں کوئی شے
جگر پہ چرکا لگے پیاپے کہاں کا پانی گلاب کیسا
نہیں ہے دوزخ کا دل کو کچھ غم مری بھی سن ناصحا ذرا تھم
رحیم وہ پر گناہ ہیں ہم عذاب کیسا ثواب کیسا
جو روز ہے رخ تو زلف ہے شب ذقن ہے مانند چاہ نخشب
یہ حال ہے بچپنے میں یا رب تو ہوگا عہد شباب کیسا
یہ دور ہے چشم سرمہ گوں کا فلک ہے اک قطرہ بحر خوں کا
جہان میں رنگ ہے فسوں کا ہے مست ہر شیخ و شباب کیسا
حبیبؔ ہیں بند کام تیرے کہاں ہیں شاہ انام تیرے
نہیں پہنچتے امام تیرے ہے بندۂ بو تراب کیسا