शनावर को बचाना चाहिए था
नदी को डूब जाना चाहिए था
नहीं ढकना था तुम को आइने को
तुम्हें चेहरा छुपाना चाहिए था
उड़ाया किस लिए तुम ने परिंदा
तुम्हें पिंजरा उड़ाना चाहिए था
तुम्हें पा कर भी ये लगता है हम को
तुम्हें कुछ और पाना चाहिए था
वहाँ जा कर नज़र तुम ने उठाई
जहाँ पर सर झुकाना चाहिए था
उन्हों ने सुब्ह माँगी थी नई क्यों
जिन्हें सूरज पुराना चाहिए था
मैं कर सकता हूँ ये दावा था जिन का
उन्हें कर के दिखाना चाहिए था
वो इक क़िस्से पे राज़ी हो गया था
हमें पूरा फ़साना चाहिए था
निज़ामत के ज़रा आदाब सीखो
तुम्हें मिसरा उठाना चाहिए था
shanāvar ko bachānā chāhiye thā
nadī ko duub jaanā chāhiye thā
nahīñ Dhaknā thā tum ko aa.ine ko
tumheñ chehra chhupānā chāhiye thā
uḌāyā kis liye tum ne parinda
tumheñ piñjra uḌānā chāhiye thā
tumheñ pā kar bhī ye lagtā hai ham ko
tumheñ kuchh aur paanā chāhiye thā
vahāñ jā kar nazar tum ne uThā.ī
jahāñ par sar jhukānā chāhiye thā
unhoñ ne sub.h māñgī thī na.ī kyoñ
jinheñ sūraj purānā chāhiye thā
maiñ kar saktā huuñ ye da.avā thā jin kā
unheñ kar ke dikhānā chāhiye thā
vo ik qisse pe raazī ho gayā thā
hameñ puurā fasāna chāhiye thā
nizāmat ke zarā ādāb sīkho
tumheñ misrā uThānā chāhiye thā
شناور کو بچانا چاہیئے تھا
ندی کو ڈوب جانا چاہیئے تھا
نہیں ڈھکنا تھا تم کو آئنے کو
تمہیں چہرہ چھپانا چاہیئے تھا
اڑایا کس لئے تم نے پرندہ
تمہیں پنجرہ اڑانا چاہیئے تھا
تمہیں پا کر بھی یہ لگتا ہے ہم کو
تمہیں کچھ اور پانا چاہیئے تھا
وہاں جا کر نظر تم نے اٹھائی
جہاں پر سر جھکانا چاہیئے تھا
انہوں نے صبح مانگی تھی نئی کیوں
جنہیں سورج پرانا چاہیئے تھا
میں کر سکتا ہوں یہ دعویٰ تھا جن کا
انہیں کر کے دکھانا چاہیئے تھا
وہ اک قصہ پہ راضی ہو گیا تھا
ہمیں پورا فسانہ چاہیئے تھا
نظامت کے ذرا آداب سیکھو
تمہیں مصرع اٹھانا چاہیئے تھا