शहर-ए-गुल के ख़स-ओ-ख़ाशाक से ख़ौफ़ आता है
जिस का वारिस हूँ उसी ख़ाक से ख़ौफ़ आता है
शक्ल बनने नहीं पाती कि बिगड़ जाती है
नई मिट्टी को नए चाक से ख़ौफ़ आता है
वक़्त ने ऐसे घुमाए उफ़ुक़ आफ़ाक़ कि बस
मेहवर-ए-गर्दिश-ए-सफ़्फ़ाक से ख़ौफ़ आता है
यही लहजा था कि मेयार-ए-सुख़न ठहरा था
अब इसी लहजा-ए-बे-बाक से ख़ौफ़ आता है
आग जब आग से मिलती है तो लौ देती है
ख़ाक को ख़ाक की पोशाक से ख़ौफ़ आता है
क़ामत-ए-जाँ को ख़ुश आया था कभी ख़िलअत-ए-इश्क़
अब इसी जामा-ए-सद-चाक से ख़ौफ़ आता है
कभी अफ़्लाक से नालों के जवाब आते थे
इन दिनों आलम-ए-अफ़्लाक से ख़ौफ़ आता है
रहमत-ए-सय्यद-ए-लौलाक पे कामिल ईमान
उम्मत-ए-सय्यद-ए-लौलाक से ख़ौफ़ आता है
shahr-e-gul ke ḳhas-o-ḳhāshāk se ḳhauf aatā hai
jis kā vāris huuñ usī ḳhaak se ḳhauf aatā hai
shakl banñe nahīñ paatī ki bigaḌ jaatī hai
na.ī miTTī ko na.e chaak se ḳhauf aatā hai
vaqt ne aise ghumā.e ufuq āfāq ki bas
mehvar-e-gardish-e-saffāk se ḳhauf aatā hai
yahī lahja thā ki meyār-e-suḳhan Thahrā thā
ab isī lahja-e-be-bāk se ḳhauf aatā hai
aag jab aag se miltī hai to lau detī hai
ḳhaak ko ḳhaak kī poshāk se ḳhauf aatā hai
qāmat-e-jāñ ko ḳhush aayā thā kabhī ḳhil.at-e-ishq
ab isī jāma-e-sad-chāk se ḳhauf aatā hai
kabhī aflāk se nāloñ ke javāb aate the
in dinoñ ālam-e-aflāk se ḳhauf aatā hai
rahmat-e-sayyad-e-laulāk pe kāmil īmān
ummat-e-sayyad-e-laulāk se ḳhauf aatā hai
شہر گل کے خس و خاشاک سے خوف آتا ہے
جس کا وارث ہوں اسی خاک سے خوف آتا ہے
شکل بننے نہیں پاتی کہ بگڑ جاتی ہے
نئی مٹی کو نئے چاک سے خوف آتا ہے
وقت نے ایسے گھمائے افق آفاق کہ بس
محور گردش سفاک سے خوف آتا ہے
یہی لہجہ تھا کہ معیار سخن ٹھہرا تھا
اب اسی لہجۂ بے باک سے خوف آتا ہے
آگ جب آگ سے ملتی ہے تو لو دیتی ہے
خاک کو خاک کی پوشاک سے خوف آتا ہے
قامت جاں کو خوش آیا تھا کبھی خلعت عشق
اب اسی جامۂ صد چاک سے خوف آتا ہے
کبھی افلاک سے نالوں کے جواب آتے تھے
ان دنوں عالم افلاک سے خوف آتا ہے
رحمت سید لولاک پہ کامل ایمان
امت سید لولاک سے خوف آتا ہے