शब वही लेकिन सितारा और है
अब सफ़र का इस्तिआ'रा और है
एक मुट्ठी रेत में कैसे रहे
इस समुंदर का किनारा और है
मौज के मुड़ने में कितनी देर है
नाव डाली और धारा और है
जंग का हथियार तय कुछ और था
तीर सीने में उतारा और है
मत्न में तो जुर्म साबित है मगर
हाशिया सारे का सारा और है
साथ तो मेरा ज़मीं देती मगर
आसमाँ का ही इशारा और है
धूप में दीवार ही काम आएगी
तेज़ बारिश का सहारा और है
हारने में इक अना की बात थी
जीत जाने में ख़सारा और है
सुख के मौसम उँगलियों पर गिन लिए
फ़स्ल-ए-ग़म का गोश्वारा और है
देर से पलकें नहीं झपकीं मिरी
पेश-ए-जाँ अब के नज़ारा और है
और कुछ पल उस का रस्ता देख लूँ
आसमाँ पर एक तारा और है
हद चराग़ों की यहाँ से ख़त्म है
आज से रस्ता हमारा और है
shab vahī lekin sitāra aur hai
ab safar kā isti.āra aur hai
ek muTThī ret meñ kaise rahe
is samundar kā kināra aur hai
mauj ke muḌne meñ kitnī der hai
naav Daalī aur dhārā aur hai
jañg kā hathiyār tai kuchh aur thā
tiir siine meñ utārā aur hai
matn meñ to jurm sābit hai magar
hāshiya saare kā saarā aur hai
saath to merā zamīñ detī magar
āsmāñ kā hī ishāra aur hai
dhuup meñ dīvār hī kaam aa.egī
tez bārish kā sahārā aur hai
hārne meñ ik anā kī baat thī
jiit jaane meñ ḳhasārā aur hai
sukh ke mausam uñgliyoñ par gin liye
fasl-e-ġham kā goshvāra aur hai
der se palkeñ nahīñ jhapkīñ mirī
pesh-e-jāñ ab ke nazāra aur hai
aur kuchh pal us kā rasta dekh luuñ
āsmāñ par ek taara aur hai
had charāġhoñ kī yahāñ se ḳhatm hai
aaj se rasta hamārā aur hai
شب وہی لیکن ستارہ اور ہے
اب سفر کا استعارہ اور ہے
ایک مٹھی ریت میں کیسے رہے
اس سمندر کا کنارہ اور ہے
موج کے مڑنے میں کتنی دیر ہے
ناؤ ڈالی اور دھارا اور ہے
جنگ کا ہتھیار طے کچھ اور تھا
تیر سینے میں اتارا اور ہے
متن میں تو جرم ثابت ہے مگر
حاشیہ سارے کا سارا اور ہے
ساتھ تو میرا زمیں دیتی مگر
آسماں کا ہی اشارہ اور ہے
دھوپ میں دیوار ہی کام آئے گی
تیز بارش کا سہارا اور ہے
ہارنے میں اک انا کی بات تھی
جیت جانے میں خسارا اور ہے
سکھ کے موسم انگلیوں پر گن لیے
فصل غم کا گوشوارہ اور ہے
دیر سے پلکیں نہیں جھپکیں مری
پیش جاں اب کے نظارہ اور ہے
اور کچھ پل اس کا رستہ دیکھ لوں
آسماں پر ایک تارہ اور ہے
حد چراغوں کی یہاں سے ختم ہے
آج سے رستہ ہمارا اور ہے