शब कि मुतरिब था शराब-ए-नाब थी पैमाना था
वो परी-वश क्या न था गोया कि जो कुछ था न था
सोज़-ए-दिल से लब ये हर दम नाला बेताबाना था
हिज्र-ए-साक़ी में किसी पहलू क़रार असला न था
जल्वा-गर दिल में ख़याल-ए-आरिज़-ए-जानाना था
घर की ज़ीनत थी कि ज़ीनत-बख़्श साहब-ख़ाना था
क्या करूँ अब मुब्तला हूँ आप अपने हाल में
दी थी ने'मत उस ने जब लब पर मिरे शुक्राना था
शोहरा-ए-आफ़ाक़ होती मेरी अज़-ख़ुद-रफ़्तगी
ख़ैरियत गुज़री कि आँखों से तुझे देखा न था
फ़स्ल-ए-गुल में छोड़ता मय देख कर माह-ए-सियाम
कुछ जुनूँ मुझ को न था वहशत न थी सौदा न था
क्या कहूँ डर ये है वो लैला-अदा रुस्वा न हो
वर्ना मजनूँ से भी कुछ बढ़ कर मेरा अफ़्साना न था
गर नज़ाकत में न होता मिस्ल-ए-तार-ए-अंकबूत
ख़ूब उल्फ़त से ज़माना में कोई रिश्ता न था
यूँ ज़ईफ़ी आ गई गोया अज़ल से थे ज़ईफ़
और शबाब ऐसा गया जैसे कभी आया न था
है यक़ीं 'आशिक़ तुम्हारा मर गया हो लो ख़बर
मैं ने कल देखा था जा कर हाल कुछ अच्छा न था
नीम-बाज़ आँखें तुम्हारा नाम था विर्द-ए-ज़बाँ
ज़ख़्म-ए-दिल पर हाथ था लब पर मगर शिकवा न था
बख़्त की बरगश्तगी गुज़री है हद से ऐ 'हबीब'
देखते हैं उन के तलवे जिन का मुँह देखा न था
shab ki mutrib thā sharāb-e-nāb thī paimāna thā
vo parī-vash kyā na thā goyā ki jo kuchh thā na thā
soz-e-dil se lab ye har dam naala betābāna thā
hijr-e-sāqī meñ kisī pahlū qarār aslā na thā
jalva-gar dil meñ ḳhayāl-e-āriz-e-jānāna thā
ghar kī zīnat thī ki zīnat-baḳhsh sāhab-ḳhāna thā
kyā karūñ ab mubtalā huuñ aap apne haal meñ
dī thī ne'mat us ne jab lab par mire shukrāna thā
shohra-e-āfāq hotī merī az-ḳhud-raftagī
ḳhairiyat guzrī ki āñkhoñ se tujhe dekhā na thā
fasl-e-gul meñ chhoḌtā mai dekh kar māh-e-siyām
kuchh junūñ mujh ko na thā vahshat na thī saudā na thā
kyā kahūñ Dar ye hai vo lailā-adā rusvā na ho
varna majnūñ se bhī kuchh baḌh kar merā afsāna na thā
gar nazākat meñ na hotā misl-e-tār-e-ankabūt
ḳhuub ulfat se zamāna meñ koī rishta na thā
yuuñ za.īfī aa ga.ī goyā azal se the za.iif
aur shabāb aisā gayā jaise kabhī aayā na thā
hai yaqīñ 'āshiq tumhārā mar gayā ho lo ḳhabar
maiñ ne kal dekhā thā jā kar haal kuchh achchhā na thā
nīm-bāz āñkheñ tumhārā naam thā vird-e-zabāñ
zaḳhm-e-dil par haath thā lab par magar shikva na thā
baḳht kī bargasht-agī guzrī hai had se ai 'habīb'
dekhte haiñ un ke talve jin kā muñh dekhā na thā
شب کہ مطرب تھا شراب ناب تھی پیمانہ تھا
وہ پری وش کیا نہ تھا گویا کہ جو کچھ تھا نہ تھا
سوز دل سے لب یہ ہر دم نالہ بیتابانہ تھا
ہجر ساقی میں کسی پہلو قرار اصلا نہ تھا
جلوہ گر دل میں خیال عارض جانانہ تھا
گھر کی زینت تھی کہ زینت بخش صاحب خانہ تھا
کیا کروں اب مبتلا ہوں آپ اپنے حال میں
دی تھی نعمت اس نے جب لب پر مرے شکرانہ تھا
شہرۂ آفاق ہوتی میری ازخود رفتگی
خیریت گزری کہ آنکھوں سے تجھے دیکھا نہ تھا
فصل گل میں چھوڑتا مے دیکھ کر ماہ صیام
کچھ جنوں مجھ کو نہ تھا وحشت نہ تھی سودا نہ تھا
کیا کہوں ڈر یہ ہے وہ لیلیٰ ادا رسوا نہ ہو
ورنہ مجنوں سے بھی کچھ بڑھ کر میرا افسانہ نہ تھا
گر نزاکت میں نہ ہوتا مثل تار عنکبوت
خوب الفت سے زمانہ میں کوئی رشتہ نہ تھا
یوں ضعیفی آ گئی گویا ازل سے تھے ضعیف
اور شباب ایسا گیا جیسے کبھی آیا نہ تھا
ہے یقیں عاشق تمہارا مر گیا ہو لو خبر
میں نے کل دیکھا تھا جا کر حال کچھ اچھا نہ تھا
نیم باز آنکھیں تمہارا نام تھا ورد زباں
زخم دل پر ہاتھ تھا لب پر مگر شکوہ نہ تھا
بخت کی برگشتگی گزری ہے حد سے اے حبیبؔ
دیکھتے ہیں ان کے تلوے جن کا منہ دیکھا نہ تھا