शाइ'र हुए तो क्या हुए 'एहसान' ही रहे
'मिर्ज़ा'-ओ-'मीर' बन न सके ख़ान ही रहे
इम्काँ के दाएरे को जो वुसअ'त न दे सके
अपने हुदूद-ए-ज़ात का इरफ़ान ही रहे
जब दिल हो मुज़्तरिब तो कहाँ तक ख़ुदी की लाज
ऐ नाज़-ए-हुस्न आज तिरी आन ही रहे
आहट किसी के पाँव की आई न सुब्ह तक
हम दिल की धड़कनों के निगहबान ही रहे
पहुँचा न दस्त-ए-शौक़ जो दामान-ए-यार तक
बे-शग़ल क्यों हो अपना गरेबान ही रहे
है इल्तिजा-ए-शौक़ में भी तनतना वही
'एहसान' इश्क़ करके भी 'एहसान' ही रहे
shā.ir hue to kyā hue 'ehsān' hī rahe
'mirzā'-o-'mīr' ban na sake ḳhaan hī rahe
imkāñ ke dā.ere ko jo vus.at na de sake
apne hudūd-e-zāt kā irfān hī rahe
jab dil ho muztarib to kahāñ tak ḳhudī kī laaj
ai nāz-e-husn aaj tirī aan hī rahe
aahaT kisī ke paañv kī aa.ī na sub.h tak
ham dil kī dhaḌkanoñ ke nigahbān hī rahe
pahuñchā na dast-e-shauq jo dāmān-e-yār tak
be-shaġhl kyoñ ho apnā garebān hī rahe
hai iltijā-e-shauq meñ bhī tantana vahī
'ehsān' ishq karke bhī 'ehsān' hī rahe
شاعر ہوئے تو کیا ہوئے احسانؔ ہی رہے
مرزاؔ و میرؔ بن نہ سکے خان ہی رہے
امکاں کے دائرے کو جو وسعت نہ دے سکے
اپنے حدود ذات کا عرفان ہی رہے
جب دل ہو مضطرب تو کہاں تک خودی کی لاج
اے ناز حسن آج تری آن ہی رہے
آہٹ کسی کے پاؤں کی آئی نہ صبح تک
ہم دل کی دھڑکنوں کے نگہبان ہی رہے
پہنچا نہ دست شوق جو دامان یار تک
بے شغل کیوں ہو اپنا گریبان ہی رہے
ہے التجائے شوق میں بھی طنطنہ وہی
احسانؔ عشق کرکے بھی احسانؔ ہی رہے