सर-ए-मिंबर वो ख़्वाबों के महल ता'मीर करते हैं
'इलाज-ए-ग़म नहीं करते फ़क़त तक़रीर करते हैं
बहर-आलम ख़ुदा का शुक्र कीजे उन का कहना है
ख़ता करते हैं हम जो शिकवा-ए-तक़दीर करते हैं
हमारी शा'इरी में दिल धड़कता है ज़माने का
वो नालाँ हैं हमारी लोग क्यों तौक़ीर करते हैं
उन्हें ख़ुशनूदी-ए-शाहाँ का दाइम पास रहता है
हम अपने शे'र से लोगों के दिल तस्ख़ीर करते हैं
हमारे ज़ह्न पर छाए नहीं हैं हिर्स के साए
जो हम महसूस करते हैं वही तहरीर करते हैं
बने फिरते हैं कुछ ऐसे भी शा'इर इस ज़माने में
सना 'ग़ालिब' की करते हैं न ज़िक्र-ए-'मीर' करते हैं
हसीन आँखों मधुर गीतों के सुंदर देस को खो कर
मैं हैराँ हूँ वो ज़िक्र-ए-वादी-ए-कश्मीर करते हैं
हमारे दर्द का 'जालिब' मुदावा हो नहीं सकता
कि हर क़ातिल को चारागर से हम ता'बीर करते हैं
sar-e-mimbar vo ḳhvāboñ ke mahal tā'mīr karte haiñ
'ilāj-e-ġham nahīñ karte faqat taqrīr karte haiñ
bahar-ālam ḳhudā kā shukr kiije un kā kahnā hai
ḳhatā karte haiñ ham jo shikva-e-taqdīr karte haiñ
hamārī shā'irī meñ dil dhaḌaktā hai zamāne kā
vo nālāñ haiñ hamārī log kyoñ tauqīr karte haiñ
unheñ ḳhushnūdī-e-shāhāñ kā daa.im paas rahtā hai
ham apne she'r se logoñ ke dil tasḳhīr karte haiñ
hamāre zehn par chhā.e nahīñ haiñ hirs ke saa.e
jo ham mahsūs karte haiñ vahī tahrīr karte haiñ
bane phirte haiñ kuchh aise bhī shā'ir is zamāne meñ
sanā 'ġhālib' kī karte haiñ na zikr-e-'mīr' karte haiñ
hasīn āñkhoñ madhur gītoñ ke sundar des ko kho kar
maiñ hairāñ huuñ vo zikr-e-vādī-e-kashmīr karte haiñ
hamāre dard kā 'jālib' mudāvā ho nahīñ saktā
ki har qātil ko chārāgar se ham tā'bīr karte haiñ
سر منبر وہ خوابوں کے محل تعمیر کرتے ہیں
علاج غم نہیں کرتے فقط تقریر کرتے ہیں
بہر عالم خدا کا شکر کیجے ان کا کہنا ہے
خطا کرتے ہیں ہم جو شکوۂ تقدیر کرتے ہیں
ہماری شاعری میں دل دھڑکتا ہے زمانے کا
وہ نالاں ہیں ہماری لوگ کیوں توقیر کرتے ہیں
انہیں خوشنودیٔ شاہاں کا دائم پاس رہتا ہے
ہم اپنے شعر سے لوگوں کے دل تسخیر کرتے ہیں
ہمارے ذہن پر چھائے نہیں ہیں حرص کے سائے
جو ہم محسوس کرتے ہیں وہی تحریر کرتے ہیں
بنے پھرتے ہیں کچھ ایسے بھی شاعر اس زمانے میں
ثنا غالبؔ کی کرتے ہیں نہ ذکر میرؔ کرتے ہیں
حسین آنکھوں مدھر گیتوں کے سندر دیس کو کھو کر
میں حیراں ہوں وہ ذکر وادیٔ کشمیر کرتے ہیں
ہمارے درد کا جالبؔ مداوا ہو نہیں سکتا
کہ ہر قاتل کو چارہ گر سے ہم تعبیر کرتے ہیں