समझ सकते नहीं जो तेरे माथे की शिकन साक़ी
वो क्या जानें कि है बादा-कशी भी एक फ़न साक़ी
निकाल उन को सुबू-ओ-जाम में जो फ़र्क़ करते हैं
तमीज़-ए-बेश-ओ-कम है अक़्ल का दीवाना-पन साक़ी
तकल्लुफ़ बरतरफ़ हम शौक़ की मस्ती से डरते हैं
यही है राहबर साक़ी यही है राहज़न साक़ी
नज़र आती है सारी काएनात-ए-मय-कदा रौशन
ये किस के साग़र-ए-रंगीं से फूटी है किरन साक़ी
हक़ीक़त एक है सब की वो मा'बद हो कि मय-ख़ाना
बनाती आ रही हैं मंज़िलें मेरी थकन साक़ी
उठा ले जाम-ओ-मीना ख़त्म कर ये दौर-ए-मय-नोशी
कि याद आते हैं मुझ को तिश्ना-कामान-ए-वतन साक़ी
पस-ए-ख़ुम बैठ कर 'एहसान' को कुछ सोच लेने दे
छिड़ा है मय-कदे में क़िस्सा-ए-दार-ओ-रसन साक़ी
samajh sakte nahīñ jo tere māthe kī shikan saaqī
vo kyā jāneñ ki hai bāda-kashī bhī ek fan saaqī
nikāl un ko subū-o-jām meñ jo farq karte haiñ
tamīz-e-besh-o-kam hai aql kā dīvāna-pan saaqī
takalluf bartaraf ham shauq kī mastī se Darte haiñ
yahī hai rāhbar saaqī yahī hai rāhzan saaqī
nazar aatī hai saarī kā.enāt-e-mai-kada raushan
ye kis ke sāġhar-e-rañgīñ se phūTī hai kiran saaqī
haqīqat ek hai sab kī vo ma.abad ho ki mai-ḳhāna
banātī aa rahī haiñ manzileñ merī thakan saaqī
uThā le jām-o-mīnā ḳhatm kar ye daur-e-mai-noshī
ki yaad aate haiñ mujh ko tishna-kāmān-e-vatan saaqī
pas-e-ḳhum baiTh kar 'ehsān' ko kuchh soch lene de
chhiḌā hai mai-kade meñ qissa-e-dār-o-rasan saaqī
سمجھ سکتے نہیں جو تیرے ماتھے کی شکن ساقی
وہ کیا جانیں کہ ہے بادہ کشی بھی ایک فن ساقی
نکال ان کو سبو و جام میں جو فرق کرتے ہیں
تمیز بیش و کم ہے عقل کا دیوانہ پن ساقی
تکلف بر طرف ہم شوق کی مستی سے ڈرتے ہیں
یہی ہے راہبر ساقی یہی ہے راہزن ساقی
نظر آتی ہے ساری کائنات مے کدہ روشن
یہ کس کے ساغر رنگیں سے پھوٹی ہے کرن ساقی
حقیقت ایک ہے سب کی وہ معبد ہو کہ مے خانہ
بناتی آ رہی ہیں منزلیں میری تھکن ساقی
اٹھا لے جام و مینا ختم کر یہ دور مے نوشی
کہ یاد آتے ہیں مجھ کو تشنہ کامان وطن ساقی
پس خم بیٹھ کر احسانؔ کو کچھ سوچ لینے دے
چھڑا ہے میکدے میں قصۂ دار و رسن ساقی