समझ के सारे सहारों को राएगाँ हम ने
उतार फेंका है कश्ती का बादबाँ हम ने
ये कम सुबूत है महशर में बे-गुनाही का
कि अपने होंटों पे फेरी नहीं ज़बाँ हम ने
जो बात छेड़ी है हम ने हमें भी 'इल्म नहीं
कि ख़त्म करना है इस बात को कहाँ हम ने
दबे दबे हैं अज़ल से इसी लिए हम लोग
उठाए रक्खा है काँधों पे आसमाँ हम ने
उंडेल ली है जहन्नुम की आग सीने में
रगों में भर लिया दोज़ख़ का सब धुआँ हम ने
फ़क़त गुलों को नहीं नज़्म-ए-गुलसिताँ से गिला
सुना है ग़ौर से काँटों का भी बयाँ हम ने
हम एक दूजे से डरते हैं इस लिए 'राहत'
रखा है जन्नत-ओ-दोज़ख़ को दरमियाँ हम ने
samajh ke saare sahāroñ ko rā.egāñ ham ne
utaar pheñkā hai kashtī kā bādbāñ ham ne
ye kam subūt hai mahshar meñ be-gunāhī kā
ki apne hoñToñ pe pherī nahīñ zabāñ ham ne
jo baat chheḌī hai ham ne hameñ bhī 'ilm nahīñ
ki ḳhatm karnā hai is baat ko kahāñ ham ne
dabe dabe haiñ azal se isī liye ham log
uThā.e rakkhā hai kāñdhoñ pe āsmāñ ham ne
uñDel lī hai jahannum kī aag siine meñ
ragoñ meñ bhar liyā dozaḳh kā sab dhuāñ ham ne
faqat guloñ ko nahīñ nazm-e-gulsitāñ se gila
sunā hai ġhaur se kāñToñ kā bhī bayāñ ham ne
ham ek duuje se Darte haiñ is liye 'rāhat'
rakhā hai jannat-o-dozaḳh ko darmiyāñ ham ne
سمجھ کے سارے سہاروں کو رائیگاں ہم نے
اتار پھینکا ہے کشتی کا بادباں ہم نے
یہ کم ثبوت ہے محشر میں بے گناہی کا
کہ اپنے ہونٹوں پہ پھیری نہیں زباں ہم نے
جو بات چھیڑی ہے ہم نے ہمیں بھی علم نہیں
کہ ختم کرنا ہے اس بات کو کہاں ہم نے
دبے دبے ہیں ازل سے اسی لیے ہم لوگ
اٹھائے رکھا ہے کاندھوں پہ آسماں ہم نے
انڈیل لی ہے جہنم کی آگ سینے میں
رگوں میں بھر لیا دوزخ کا سب دھواں ہم نے
فقط گلوں کو نہیں نظم گلستاں سے گلہ
سنا ہے غور سے کانٹوں کا بھی بیاں ہم نے
ہم ایک دوجے سے ڈرتے ہیں اس لیے راحتؔ
رکھا ہے جنت و دوزخ کو درمیاں ہم نے