आइना देखना अंगुश्त ब-दंदाँ रहना
उस ने तो हम को भी सिखला दिया हैराँ रहना
डगमगा जाएँ क़दम राह-ए-तलब में किस वक़्त
तू मिरे साथ मिरे शौक़ गुरेज़ाँ रहना
दिल-ए-नाज़ुक को लगाना था ठिकाने या-रब
इस के बस का नहीं नज़दीक-ए-रग-ए-जाँ रहना
जो हुआ तूर पे इस में नहीं हैरत कोई
इब्न-ए-आदम की तो तक़दीर है हैराँ रहना
तेरे मेआ'र पे ऐ ज़िंदगी रहना है कठिन
सीख ले तू ही मिरी शान के शायाँ रहना
मैं तो कर गुज़रूँगा जो दिल में मिरे आएगी
मुझ को मंज़ूर नहीं अपना निगहबाँ रहना
उस की नज़रों में कहीं ये भी इबादत ही न हो
उम्र भर ख़ुद से मिरा दस्त-ओ-गरेबाँ रहना
दौर-ए-हाज़िर की बदलती हुई इन क़द्रों में
कितना दुश्वार है इंसान का इंसाँ रहना
aa.ina dekhnā añgusht ba-dandāñ rahnā
us ne to ham ko bhī sikhlā diyā hairāñ rahnā
Dagmagā jaa.eñ qadam rāh-e-talab meñ kis vaqt
tū mire saath mire shauq gurezāñ rahnā
dil-e-nāzuk ko lagānā thā Thikāne yā-rab
is ke bas kā nahīñ nazdīk-e-rag-e-jāñ rahnā
jo huā tuur pe is meñ nahīñ hairat koī
ibn-e-ādam kī to taqdīr hai hairāñ rahnā
tere me.aar pe ai zindagī rahnā hai kaThin
siikh le tū hī mirī shaan ke shāyāñ rahnā
maiñ to kar guzrūñgā jo dil meñ mire aa.egī
mujh ko manzūr nahīñ apnā nigahbāñ rahnā
us kī nazroñ meñ kahīñ ye bhī ibādat hī na ho
umr bhar ḳhud se mirā dast-o-garebāñ rahnā
daur-e-hāzir kī badaltī huī in qadroñ meñ
kitnā dushvār hai insān kā insāñ rahnā
آئنہ دیکھنا انگشت بدنداں رہنا
اس نے تو ہم کو بھی سکھلا دیا حیراں رہنا
ڈگمگا جائیں قدم راہ طلب میں کس وقت
تو مرے ساتھ مرے شوق گریزاں رہنا
دل نازک کو لگانا تھا ٹھکانے یا رب
اس کے بس کا نہیں نزدیک رگ جاں رہنا
جو ہوا طور پہ اس میں نہیں حیرت کوئی
ابن آدم کی تو تقدیر ہے حیراں رہنا
تیرے معیار پہ اے زندگی رہنا ہے کٹھن
سیکھ لے تو ہی مری شان کے شایاں رہنا
میں تو کر گزروں گا جو دل میں مرے آئے گی
مجھ کو منظور نہیں اپنا نگہباں رہنا
اس کی نظروں میں کہیں یہ بھی عبادت ہی نہ ہو
عمر بھر خود سے مرا دست و گریباں رہنا
دور حاضر کی بدلتی ہوئی ان قدروں میں
کتنا دشوار ہے انسان کا انساں رہنا