ग़म-ओ-अंदोह का सीने में समुंदर ले कर
जिए जाता हूँ मगर हाथ में साग़र ले कर
ख़ुद-फ़रेबी के अंधेरे में उतर जाता हूँ
ख़ुद को जब ढूँडता हूँ हाथ में पत्थर ले कर
सामने आएगा वो जब भी पुकारूँ उस को
अपने चेहरे पे मगर नूर की चादर ले कर
एक अल्हड़ सी कोई याद भले वक़्तों की
दिल के पनघट पे चली आती है गागर ले कर
वक़्त भी हम से उलझ पड़ता है हम भी उस को
रोज़ ललकारते हैं हाथ में साग़र ले कर
हम फ़सादों में भी हमसाए से मिल आते हैं
कभी पत्थर कभी भाला कभी ख़ंजर ले कर
दावर-ए-हश्र से हम मिलने चलेंगे 'राहत'
ताइर-ए-फ़िक्र का टूटा हुआ इक पर ले कर
ġham-o-andoh kā siine meñ samundar le kar
jiye jaatā huuñ magar haath meñ sāġhar le kar
ḳhud-farebī ke añdhere meñ utar jaatā huuñ
ḳhud ko jab DhūñDtā huuñ haath meñ patthar le kar
sāmne aa.egā vo jab bhī pukārūñ us ko
apne chehre pe magar nuur kī chādar le kar
ek alhaḌ sī koī yaad bhale vaqtoñ kī
dil ke panghaT pe chalī aatī hai gāgar le kar
vaqt bhī ham se ulajh paḌtā hai ham bhī us ko
roz lalkārte haiñ haath meñ sāġhar le kar
ham fasādoñ meñ bhī hamsā.e se mil aate haiñ
kabhī patthar kabhī bhālā kabhī ḳhanjar le kar
dāvar-e-hashr se ham milne chaleñge 'rāhat'
tā.ir-e-fikr kā TuuTā huā ik par le kar
غم و اندوہ کا سینے میں سمندر لے کر
جئے جاتا ہوں مگر ہاتھ میں ساغر لے کر
خود فریبی کے اندھیرے میں اتر جاتا ہوں
خود کو جب ڈھونڈتا ہوں ہاتھ میں پتھر لے کر
سامنے آئے گا وہ جب بھی پکاروں اس کو
اپنے چہرے پہ مگر نور کی چادر لے کر
ایک الھڑ سی کوئی یاد بھلے وقتوں کی
دل کے پنگھٹ پہ چلی آتی ہے گاگر لے کر
وقت بھی ہم سے الجھ پڑتا ہے ہم بھی اس کو
روز للکارتے ہیں ہاتھ میں ساغر لے کر
ہم فسادوں میں بھی ہمسائے سے مل آتے ہیں
کبھی پتھر کبھی بھالا کبھی خنجر لے کر
داور حشر سے ہم ملنے چلیں گے راحتؔ
طائر فکر کا ٹوٹا ہوا اک پر لے کر