घुट के रह जाती हैं सीने में सदाएँ कितनी
जम गई हैं मेरे होंटों पे दुआएँ कितनी
पूछना चाहिए आदम को ख़ुदा से अपने
एक ही जुर्म की होती हैं सज़ाएँ कितनी
ज़हर-आलूद हँसी गालियाँ आँसू अशआ'र
मेरे जज़्बात ने ओढ़ी हैं रिदाएँ कितनी
हक़ की आवाज़ को पहचान सकूँगा कैसे
गूँजती हैं मेरे कानों में सदाएँ कितनी
मेरे ख़ालिक़ मुझे इतनी तो ख़बर दी जाए
मुझ से सरज़द अभी होना हैं ख़ताएँ कितनी
कुछ हिसाब इस का फ़रिश्तों ने भी रक्खा होगा
मुस्तरद कर दी गईं मेरी दुआएँ कितनी
रास आने की तरह रास नहीं आती हैं
कज हैं दोशीज़ा-ए-हस्ती की अदाएँ कितनी
ghuT ke rah jaatī haiñ siine meñ sadā.eñ kitnī
jam ga.ī haiñ mere hoñToñ pe duā.eñ kitnī
pūchhnā chāhiye aadam ko ḳhudā se apne
ek hī jurm kī hotī haiñ sazā.eñ kitnī
zahr-ālūd hañsī gāliyāñ aañsū ash.ār
mere jazbāt ne oḌhī haiñ ridā.eñ kitnī
haq kī āvāz ko pahchān sakūñgā kaise
gūñjtī haiñ mere kānoñ meñ sadā.eñ kitnī
mere ḳhāliq mujhe itnī to ḳhabar dī jaa.e
mujh se sarzad abhī honā haiñ ḳhatā.eñ kitnī
kuchh hisāb is kā farishtoñ ne bhī rakkhā hogā
mustarad kar dī ga.iiñ merī duā.eñ kitnī
raas aane kī tarah raas nahīñ aatī haiñ
kaj haiñ doshīza-e-hastī kī adā.eñ kitnī
گھٹ کے رہ جاتی ہیں سینے میں صدائیں کتنی
جم گئی ہیں میرے ہونٹوں پہ دعائیں کتنی
پوچھنا چاہئے آدم کو خدا سے اپنے
ایک ہی جرم کی ہوتی ہیں سزائیں کتنی
زہر آلود ہنسی گالیاں آنسو اشعار
میرے جذبات نے اوڑھی ہیں ردائیں کتنی
حق کی آواز کو پہچان سکوں گا کیسے
گونجتی ہیں میرے کانوں میں صدائیں کتنی
میرے خالق مجھے اتنی تو خبر دی جائے
مجھ سے سرزد ابھی ہونا ہیں خطائیں کتنی
کچھ حساب اس کا فرشتوں نے بھی رکھا ہوگا
مسترد کر دی گئیں میری دعائیں کتنی
راس آنے کی طرح راس نہیں آتی ہیں
کج ہیں دوشیزۂ ہستی کی ادائیں کتنی