सलाम आया न कुछ पैग़ाम आया
तग़ाफ़ुल उन का मेरे काम आया
वो हैं अपने न होने से नुमायाँ
निगाहों पर नया इल्ज़ाम आया
मसल मशहूर है ये मय-कदे में
हुआ पुख़्ता यहाँ जो ख़ाम आया
हकीम-ए-'अस्र को मस्ती में आ कर
इलाज-ए-गर्दिश-ए-अय्याम' आया
शब-ए-ग़म दिल को तड़पाने ही आए
तुम आए या तुम्हारा नाम आया
मोहब्बत वक़्त पर हाकिम है फिर भी
तसव्वुर उन का सुब्ह-ओ-शाम आया
दर-ए-पीर-ए-मुग़ाँ पर है ये कतबा
गया ख़ुश-काम जो नाकाम आया
जो देखा मह्द से ले कर लहद तक
गईं बेचैनियाँ आराम आया
'ज़हीं' पैराहन-ए-यूसुफ़ समझ कर
ग़िलाफ़-ए-का'बा को मैं थाम आया
salām aaya na kuchh paiġhām aaya
taġhāful un kā mere kaam aaya
vo haiñ apne na hone se numāyāñ
nigāhoñ par nayā ilzām aaya
masal mash.hūr hai ye mai-kade meñ
huā puḳhta yahāñ jo ḳhaam aaya
hakīm-e-'asr ko mastī meñ aa kar
'ilāj-e-gardish-e-ayyām aaya
shab-e-ġham dil ko taḌpāne hī aa.e
tum aa.e yā tumhārā naam aaya
mohabbat vaqt par hākim hai phir bhī
tasavvur un kā sub.h-o-shām aaya
dar-e-pīr-e-muġhāñ par hai ye katba
gayā ḳhush-kām jo nākām aaya
jo dekhā mahd se le kar lahad tak
ga.iiñ bechainiyāñ ārām aaya
'zahīñ' pairāhan-e-yūsuf samajh kar
ġhilāf-e-kā'ba ko maiñ thaam aaya
سلام آیا نہ کچھ پیغام آیا
تغافل ان کا میرے کام آیا
وہ ہیں اپنے نہ ہونے سے نمایاں
نگاہوں پر نیا الزام آیا
مثل مشہور ہے یہ میکدے میں
ہوا پختہ یہاں جو خام آیا
حکیم عصر کو مستی میں آ کر
علاج گردش ایام آیا
شب غم دل کو تڑپانے ہی آئے
تم آئے یا تمہارا نام آیا
محبت وقت پر حاکم ہے پھر بھی
تصور ان کا صبح و شام آیا
در پیر مغاں پر ہے یہ کتبہ
گیا خوش کام جو ناکام آیا
جو دیکھا مہد سے لے کر لحد تک
گئیں بے چینیاں آرام آیا
ذہیںؔ پیراہن یوسف سمجھ کر
غلاف کعبہ کو میں تھام آیا