सख़्त वहशी हूँ बिला-वज्ह बिफर जाता हूँ
इस लिए अपनी तरफ़ जाऊँ तो डर जाता हूँ
एक ही तर्ज़ की वहशत से भरे रहते हैं
मैं अगर दश्त नहीं जाता तो घर जाता हूँ
चार छे इंच की दूरी से मिरा साया मुझे
इक सदा देता है मैं बार-ए-दिगर जाता हूँ
बाज़ औक़ात उदासी को मनाने के लिए
अपने होने की दलीलों से मुकर जाता हूँ
लफ़्ज़ बुनते हुए आता हूँ सड़क पर और फिर
जाने क्या ध्यान में आता है ठहर जाता हूँ
घर से दफ़्तर गया दफ़्तर से घर आया अब दश्त
वैसे बनता तो नहीं जाना मगर जाता हूँ
saḳht vahshī huuñ bilā-vaj.h biphar jaatā huuñ
is liye apnī taraf jā.ūñ to Dar jaatā huuñ
ek hī tarz kī vahshat se bhare rahte haiñ
maiñ agar dasht nahīñ jaatā to ghar jaatā huuñ
chaar chhe inch kī duurī se mirā saayā mujhe
ik sadā detā hai maiñ bār-e-digar jaatā huuñ
ba.az auqāt udāsī ko manāne ke liye
apne hone kī dalīloñ se mukar jaatā huuñ
lafz bunte hue aatā huuñ saḌak par aur phir
jaane kyā dhyān meñ aatā hai Thahar jaatā huuñ
ghar se daftar gayā daftar se ghar aayā ab dasht
vaise bantā to nahīñ jaanā magar jaatā huuñ
سخت وحشی ہوں بلا وجہ بپھر جاتا ہوں
اس لیے اپنی طرف جاؤں تو ڈر جاتا ہوں
ایک ہی طرز کی وحشت سے بھرے رہتے ہیں
میں اگر دشت نہیں جاتا تو گھر جاتا ہوں
چار چھ انچ کی دوری سے مرا سایا مجھے
اک صدا دیتا ہے میں بار دگر جاتا ہوں
بعض اوقات اداسی کو منانے کے لیے
اپنے ہونے کی دلیلوں سے مکر جاتا ہوں
لفظ بنتے ہوئے آتا ہوں سڑک پر اور پھر
جانے کیا دھیان میں آتا ہے ٹھہر جاتا ہوں
گھر سے دفتر گیا دفتر سے گھر آیا اب دشت
ویسے بنتا تو نہیں جانا مگر جاتا ہوں