सख़्त ना-हमवार ओ मुश्किल था मगर ऐसा न था
मैं ने जब राहें तराशी थीं सफ़र ऐसा न था
किस ज़माने का हवाला दे रहे हो दोस्तो
आज से पहले तो जीने का हुनर ऐसा न था
शामिल-ए-हालात अगर होतीं न कुछ ख़ुश-फ़हमियाँ
मेरी क़िस्मत में भटकना दर-ब-दर ऐसा न था
मुझ से क्यों मंसूब हो बैठीं वफ़ा की ने'मतें
मैं तो अपने वास्ते भी मो'तबर ऐसा न था
मैं कहाँ ऐसा कि झुटलाऊँ तुम्हें लेकिन ये है
मैं ने जब देखा जहाँ देखा बशर ऐसा न था
आज तक बैनस्सुतूर उलझी हुई तहरीर हूँ
मैं कि पत्थर था मगर पत्थर-नज़र ऐसा न था
मैं ने किस बूते पे दी 'हैरत' सदा तूफ़ान को
मेरे ख़्वाबों का शबिस्ताँ मेरा घर ऐसा न था
saḳht nā-hamvār o mushkil thā magar aisā na thā
maiñ ne jab rāheñ tarāshī thiiñ safar aisā na thā
kis zamāne kā havāla de rahe ho dosto
aaj se pahle to jiine kā hunar aisā na thā
shāmil-e-hālāt agar hotīñ na kuchh ḳhush-fahmiyāñ
merī qismat meñ bhaTaknā dar-ba-dar aisā na thā
mujh se kyoñ mansūb ho baiThīñ vafā kī ne.amateñ
maiñ to apne vāste bhī mo'atabar aisā na thā
maiñ kahāñ aisā ki jhuTlā.ūñ tumheñ lekin ye hai
maiñ ne jab dekhā jahāñ dekhā bashar aisā na thā
aaj tak bainassutūr uljhī huī tahrīr huuñ
maiñ ki patthar thā magar patthar-nazar aisā na thā
maiñ ne kis buute pe dī 'hairat' sadā tūfān ko
mere ḳhvāboñ kā shabistāñ merā ghar aisā na thā
سخت نا ہموار و مشکل تھا مگر ایسا نہ تھا
میں نے جب راہیں تراشی تھیں سفر ایسا نہ تھا
کس زمانے کا حوالہ دے رہے ہو دوستو
آج سے پہلے تو جینے کا ہنر ایسا نہ تھا
شامل حالات اگر ہوتیں نہ کچھ خوش فہمیاں
میری قسمت میں بھٹکنا در بدر ایسا نہ تھا
مجھ سے کیوں منسوب ہو بیٹھیں وفا کی نعمتیں
میں تو اپنے واسطے بھی معتبر ایسا نہ تھا
میں کہاں ایسا کہ جھٹلاؤں تمہیں لیکن یہ ہے
میں نے جب دیکھا جہاں دیکھا بشر ایسا نہ تھا
آج تک بین السطور الجھی ہوئی تحریر ہوں
میں کہ پتھر تھا مگر پتھر نظر ایسا نہ تھا
میں نے کس بوتے پہ دی حیرتؔ صدا طوفان کو
میرے خوابوں کا شبستاں میرا گھر ایسا نہ تھا