अपने रंज-ओ-ग़म बाँटे हम से बा-ख़बर निकले
साथ चलने वालों में कोई हम-सफ़र निकले
बे-सआ'दती ठहरे ख़्वाह अब हुनर निकले
सब ने जिस से रोका था हम वो काम कर निकले
इक अजीब सन्नाटा महव-ए-शे'र-ख़्वानी था
हम जहाँ-जहाँ पहोंचे हम जिधर जिधर निकले
जाने किस के हाथ आएँ और क्या फ़ज़ा पाएँ
फिर अलामतें बन कर मेरे बाल-ओ-पर निकले
गहरे पानियों से क्या और दोस्तो मिलता
मेरी ख़ाली आँखों में सैंकड़ों भँवर निकले
मंज़िलों के पीछे भी और मंज़िलें होंगी
रहगुज़र से आगे भी कोई रहगुज़र निकले
काएनात की हस्ती इक फ़ज़ा-ए-सरमस्ती
जैसे चाँदनी शब में ज़ेहन गश्त पर निकले
हम ने उन को देखा है हम ने उन को परखा है
जितने दीदा-वर निकले ख़ासे कम-नज़र निकले
सिर्फ़ मैं न था तन्हा ज़द में धूप की ऐसा
मेरी तरह के हर-सू अनगिनत शजर निकले
क्या भरे ज़माने में बस यही नहीं मुमकिन
मैं कहीं ठहर जाऊँ कोई मेरा घर निकले
दूसरों ने क्या 'हैरत' ग़म को ग़म नहीं समझा
हम मगर ग़लत निकले और किस क़दर निकले
apne ranj-o-ġham bāñTe ham se bā-ḳhabar nikle
saath chalne vāloñ meñ koī ham-safar nikle
be-sa.ādatī Thahre ḳhvāh ab hunar nikle
sab ne jis se rokā thā ham vo kaam kar nikle
ik ajiib sannāTā mahv-e-sher-ḳhvānī thā
ham jahāñ-jahāñ pahoñche ham jidhar jidhar nikle
jaane kis ke haath aa.eñ aur kyā fazā paa.eñ
phir alāmateñ ban kar mere bāl-o-par nikle
gahre pāniyoñ se kyā aur dosto miltā
merī ḳhālī āñkhoñ meñ saiñkaḌoñ bhañvar nikle
manziloñ ke pīchhe bhī aur manzileñ hoñgī
rahguzar se aage bhī koī rahguzar nikle
kā.enāt kī hastī ik fazā-e-sarmastī
jaise chāñdnī shab meñ zehn gasht par nikle
ham ne un ko dekhā hai ham ne un ko parkhā hai
jitne dīda-var nikle ḳhāse kam-nazar nikle
sirf maiñ na thā tanhā zad meñ dhuup kī aisā
merī tarah ke har-sū anginat shajar nikle
kyā bhare zamāne meñ bas yahī nahīñ mumkin
maiñ kahīñ Thahar jā.ūñ koī merā ghar nikle
dūsroñ ne kyā 'hairat' ġham ko ġham nahīñ samjhā
ham magar ġhalat nikle aur kis qadar nikle
اپنے رنج و غم بانٹے ہم سے با خبر نکلے
ساتھ چلنے والوں میں کوئی ہم سفر نکلے
بے سعادتی ٹھہرے خواہ اب ہنر نکلے
سب نے جس سے روکا تھا ہم وہ کام کر نکلے
اک عجیب سناٹا محو شعر خوانی تھا
ہم جہاں جہاں پہونچے ہم جدھر جدھر نکلے
جانے کس کے ہاتھ آئیں اور کیا فضا پائیں
پھر علامتیں بن کر میرے بال و پر نکلے
گہرے پانیوں سے کیا اور دوستو ملتا
میری خالی آنکھوں میں سینکڑوں بھنور نکلے
منزلوں کے پیچھے بھی اور منزلیں ہوں گی
رہ گزر سے آگے بھی کوئی رہ گزر نکلے
کائنات کی ہستی اک فضائے سرمستی
جیسے چاندنی شب میں ذہن گشت پر نکلے
ہم نے ان کو دیکھا ہے ہم نے ان کو پرکھا ہے
جتنے دیدہ ور نکلے خاصے کم نظر نکلے
صرف میں نہ تھا تنہا زد میں دھوپ کی ایسا
میری طرح کے ہر سو انگنت شجر نکلے
کیا بھرے زمانے میں بس یہی نہیں ممکن
میں کہیں ٹھہر جاؤں کوئی میرا گھر نکلے
دوسروں نے کیا حیرتؔ غم کو غم نہیں سمجھا
ہم مگر غلط نکلے اور کس قدر نکلے