सज्दे तिरे कहने से मैं कर लूँ भी तो क्या हो
तू ऐ बुत-ए-काफ़िर न ख़ुदा है न ख़ुदा हो
ग़ुंचे के चटकने पे न गुलशन में ख़फ़ा हो
मुमकिन है किसी टूटे हुए दिल की सदा हो
खा उस की क़सम जो न तुझे देख चुका हो
तेरे तो फ़रिश्तों से भी वा'दा न वफ़ा हो
इंसाँ किसी फ़ितरत पे तो क़ाएम हो कम-अज़-कम
अच्छा हो तो अच्छा हो बुरा हो तो बुरा हो
इस हश्र में कुछ दाद न फ़रियाद किसी की
जो हश्र कि ज़ालिम तिरे कूचे से उठा हो
इतरा के ये रफ़्तार-ए-जवानी नहीं अच्छी
चाल ऐसी चला करते हैं जैसी कि हवा हो
मय-ख़ाने में जब हम से फ़क़ीरों को न पूछा
ये कहते हुए चल दिए साक़ी का भला हो
अल्लाह-रे ओ दुश्मन-ए-इज़हार-ए-मोहब्बत
वो दर्द दिया है जो किसी से न दवा हो
तन्हा वो मिरी क़ब्र पे हैं चाक-गरेबाँ
जैसे किसी सहरा में कोई फूल खिला हो
मंसूर से कहती है यही दार-ए-मोहब्बत
उस की ये सज़ा है जो गुनहगार-ए-वफ़ा हो
जब लुत्फ़ हो अल्लाह सितम वालों से पूछे
तू यास की नज़रों से मुझे देख रहा हो
फ़रमाते हैं वो सुन के शब-ए-ग़म की शिकायत
किस ने ये कहा था कि 'क़मर' तुम हमें चाहो
sajde tire kahne se maiñ kar luuñ bhī to kyā ho
tū ai but-e-kāfir na ḳhudā hai na ḳhudā ho
ġhunche ke chaTakne pe na gulshan meñ ḳhafā ho
mumkin hai kisī TuuTe hue dil kī sadā ho
khā us kī qasam jo na tujhe dekh chukā ho
tere to farishtoñ se bhī va.ada na vafā ho
insāñ kisī fitrat pe to qaa.em ho kam-az-kam
achchhā ho to achchhā ho burā ho to burā ho
is hashr meñ kuchh daad na fariyād kisī kī
jo hashr ki zālim tire kūche se uThā ho
itrā ke ye raftār-e-javānī nahīñ achchhī
chaal aisī chalā karte haiñ jaisī ki havā ho
mai-ḳhāne meñ jab ham se faqīroñ ko na pūchhā
ye kahte hue chal diye saaqī kā bhalā ho
allāh-re o dushman-e-iz.hār-e-mohabbat
vo dard diyā hai jo kisī se na davā ho
tanhā vo mirī qabr pe haiñ chāk-garebāñ
jaise kisī sahrā meñ koī phuul khilā ho
mansūr se kahtī hai yahī dār-e-mohabbat
us kī ye sazā hai jo gunahgār-e-vafā ho
jab lutf ho allāh sitam vāloñ se pūchhe
tū yaas kī nazroñ se mujhe dekh rahā ho
farmāte haiñ vo sun ke shab-e-ġham kī shikāyat
kis ne ye kahā thā ki 'qamar' tum hameñ chāho
سجدے ترے کہنے سے میں کر لوں بھی تو کیا ہو
تو اے بت کافر نہ خدا ہے نہ خدا ہو
غنچے کے چٹکنے پہ نہ گلشن میں خفا ہو
ممکن ہے کسی ٹوٹے ہوئے دل کی صدا ہو
کھا اس کی قسم جو نہ تجھے دیکھ چکا ہو
تیرے تو فرشتوں سے بھی وعدہ نہ وفا ہو
انساں کسی فطرت پہ تو قائم ہو کم از کم
اچھا ہو تو اچھا ہو برا ہو تو برا ہو
اس حشر میں کچھ داد نہ فریاد کسی کی
جو حشر کہ ظالم ترے کوچے سے اٹھا ہو
اترا کے یہ رفتار جوانی نہیں اچھی
چال ایسی چلا کرتے ہیں جیسی کہ ہوا ہو
مے خانے میں جب ہم سے فقیروں کو نہ پوچھا
یہ کہتے ہوئے چل دیئے ساقی کا بھلا ہو
اللہ رے او دشمن اظہار محبت
وہ درد دیا ہے جو کسی سے نہ دوا ہو
تنہا وہ مری قبر پہ ہیں چاک گریباں
جیسے کسی صحرا میں کوئی پھول کھلا ہو
منصور سے کہتی ہے یہی دار محبت
اس کی یہ سزا ہے جو گنہ گار وفا ہو
جب لطف ہو اللہ ستم والوں سے پوچھے
تو یاس کی نظروں سے مجھے دیکھ رہا ہو
فرماتے ہیں وہ سن کے شب غم کی شکایت
کس نے یہ کہا تھا کہ قمرؔ تم ہمیں چاہو