सैंत कर ईमान कुछ दिन और रखना है अभी
आज-कल बाज़ार में मंदी है सस्ता है अभी
दरमियाँ जो फ़ासला रक्खा हुआ सा है अभी
इक यही उस तक पहुँचने का वसीला है अभी
यूँ ही सब मिल बैठते हैं साबेक़ूनल-अव्वलून
दश्त में जारी हमारा आना जाना है अभी
मुस्कुराना एक फ़न है और मैं नौ-मश्क़ हूँ
फिर भी क्या कम है उसे बेचैन देखा है अभी
क़ुमक़ुमों की रौशनी में भी नज़र आता है चाँद
गाँव में मेरा पुराना इक शनासा है अभी
जा-ब-जा बिखरे पड़े हैं सारे आ'ज़ा ख़्वाब के
ज़ेर-ए-मिज़्गाँ किस ने ये शब-ख़ून मारा है अभी
क्यूँ न घड़ लें कुछ मनाक़िब और फ़ज़ाइल हब्स के
जब इसी अंधे कुएँ में हम को जीना है अभी
saiñt kar īmān kuchh din aur rakhnā hai abhī
āj-kal bāzār meñ mandī hai sastā hai abhī
darmiyāñ jo fāsla rakkhā huā sā hai abhī
ik yahī us tak pahuñchne kā vasīla hai abhī
yuuñ hī sab mil baiThte haiñ sābeqūnal-avvalūn
dasht meñ jaarī hamārā aanā jaanā hai abhī
muskurānā ek fan hai aur maiñ nau-mashq huuñ
phir bhī kyā kam hai use bechain dekhā hai abhī
qumqumoñ kī raushnī meñ bhī nazar aatā hai chāñd
gaañv meñ merā purānā ik shanāsā hai abhī
jā-ba-jā bikhre paḌe haiñ saare aa'zā ḳhvāb ke
zer-e-mizhgāñ kis ne ye shab-ḳhūn maarā hai abhī
kyuuñ na ghaḌ leñ kuchh manāqib aur fazā.il habs ke
jab isī andhe kueñ meñ ham ko jiinā hai abhī
سینت کر ایمان کچھ دن اور رکھنا ہے ابھی
آج کل بازار میں مندی ہے سستا ہے ابھی
درمیاں جو فاصلہ رکھا ہوا سا ہے ابھی
اک یہی اس تک پہنچنے کا وسیلہ ہے ابھی
یوں ہی سب مل بیٹھتے ہیں سابقون الاولون
دشت میں جاری ہمارا آنا جانا ہے ابھی
مسکرانا ایک فن ہے اور میں نو مشق ہوں
پھر بھی کیا کم ہے اسے بے چین دیکھا ہے ابھی
قمقموں کی روشنی میں بھی نظر آتا ہے چاند
گاؤں میں میرا پرانا اک شناسا ہے ابھی
جا بجا بکھرے پڑے ہیں سارے اعضا خواب کے
زیر مژگاں کس نے یہ شب خون مارا ہے ابھی
کیوں نہ گھڑ لیں کچھ مناقب اور فضائل حبس کے
جب اسی اندھے کنویں میں ہم کو جینا ہے ابھی