सहरा-ए-ज़िंदगी के लिए नूर-ए-दीदा हूँ
काँटा सही मगर मैं गुल-ए-नौ-दमीदा हूँ
मुझ पर खुला है अहद-ए-बहार-ओ-ख़िज़ाँ का राज़
मैं इक हसीन फूल का रंग-ए-परीदा हूँ
तुझ को भी ज़िंदगी ने दिया दर्द-ए-बे-कराँ
मैं भी ग़म-ए-हयात का लज़्ज़त-चशीदा हूँ
तुझ से मिरा तअल्लुक़-ए-ख़ातिर है दाइमी
तू है अगर ग़ज़ल तो मैं तेरा क़सीदा हूँ
दुनिया मिटी हुई है मिरे इख़्तिसार पर
दोशीज़ा-ए-हयात की ज़ुल्फ़-ए-बुरीदा हूँ
तुम को मिरे तग़ाफ़ुल-ए-बे-जा का है गिला
मैं कुछ दिनों से ख़ुद से भी दामन-कशीदा हूँ
मैं सोचता हूँ मुझ पे ये तोहमत है किस लिए
अब वो भी कह रहे हैं कि मैं बरगुज़ीदा हूँ
काँटों से खेलता हूँ गुलिस्तान-ए-इश्क़ में
'परवेज़' फ़र्त-ए-शौक़ में दामन-दरीदा हूँ
sahrā-e-zindagī ke liye nūr-e-dīda huuñ
kāñTā sahī magar maiñ gul-e-nau-damīda huuñ
mujh par khulā hai ahd-e-bahār-o-ḳhizāñ kā raaz
maiñ ik hasīn phuul kā rang-e-parīda huuñ
tujh ko bhī zindagī ne diyā dard-e-be-karāñ
maiñ bhī ġham-e-hayāt kā lazzat-chashīda huuñ
tujh se mirā ta.alluq-e-ḳhātir hai dā.imī
tū hai agar ġhazal to maiñ terā qasīda huuñ
duniyā miTī huī hai mire iḳhtisār par
doshīza-e-hayāt kī zulf-e-burīda huuñ
tum ko mire taġhāful-e-be-jā kā hai gila
maiñ kuchh dinoñ se ḳhud se bhī dāman-kashīda huuñ
maiñ sochtā huuñ mujh pe ye tohmat hai kis liye
ab vo bhī kah rahe haiñ ki maiñ barguzīda huuñ
kāñToñ se kheltā huuñ gulistān-e-ishq meñ
'parvez' fart-e-shauq meñ dāman-darīda huuñ
صحرائے زندگی کے لئے نور دیدہ ہوں
کانٹا سہی مگر میں گل نو دمیدہ ہوں
مجھ پر کھلا ہے عہد بہار و خزاں کا راز
میں اک حسین پھول کا رنگ پریدہ ہوں
تجھ کو بھی زندگی نے دیا درد بے کراں
میں بھی غم حیات کا لذت چشیدہ ہوں
تجھ سے مرا تعلق خاطر ہے دائمی
تو ہے اگر غزل تو میں تیرا قصیدہ ہوں
دنیا مٹی ہوئی ہے مرے اختصار پر
دوشیزۂ حیات کی زلف بریدہ ہوں
تم کو مرے تغافل بے جا کا ہے گلہ
میں کچھ دنوں سے خود سے بھی دامن کشیدہ ہوں
میں سوچتا ہوں مجھ پہ یہ تہمت ہے کس لئے
اب وہ بھی کہہ رہے ہیں کہ میں برگزیدہ ہوں
کانٹوں سے کھیلتا ہوں گلستان عشق میں
پرویزؔ فرط شوق میں دامن دریدہ ہوں