ख़ूब थीं मय-कदे की फ़ज़ाएँ
रह गईं छट के ग़म की घटाएँ
मौत इमदाद को आ चुकी है
उन से कह दो कि वो अब न आएँ
शो'ला-ए-हुस्न से क्या बचेगा
दामन-ए-दिल को हम क्या बचाएँ
हश्र ढाती है जुम्बिश नज़र की
फ़ित्ना-गर हैं किसी की अदाएँ
सोचते हैं कि उस बेवफ़ा को
याद रक्खें कि हम भूल जाएँ
हादसात-ए-जहाँ तौबा तौबा
उठ गईं हैं जहाँ से वफ़ाएँ
दिल में आबाद है एक दुनिया
आप महरूमियों पर न जाएँ
गोशा-ए-दिल से 'परवेज़' अब तक
आ रही हैं किसी की सदाएँ
ḳhuub thiiñ mai-kade kī fazā.eñ
rah ga.iiñ chhaT ke ġham kī ghaTā.eñ
maut imdād ko aa chukī hai
un se kah do ki vo ab na aa.eñ
sho.ala-e-husn se kyā bachegā
dāman-e-dil ko ham kyā bachā.eñ
hashr Dhātī hai jumbish nazar kī
fitna-gar haiñ kisī kī adā.eñ
sochte haiñ ki us bevafā ko
yaad rakkheñ ki ham bhuul jaa.eñ
hādsāt-e-jahāñ tauba tauba
uTh ga.iiñ haiñ jahāñ se vafā.eñ
dil meñ ābād hai ek duniyā
aap mahrūmiyoñ par na jaa.eñ
gosha-e-dil se 'parvez' ab tak
aa rahī haiñ kisī kī sadā.eñ
خوب تھیں میکدے کی فضائیں
رہ گئیں چھٹ کے غم کی گھٹائیں
موت امداد کو آ چکی ہے
ان سے کہہ دو کہ وہ اب نہ آئیں
شعلۂ حسن سے کیا بچے گا
دامن دل کو ہم کیا بچائیں
حشر ڈھاتی ہے جنبش نظر کی
فتنہ گر ہیں کسی کی ادائیں
سوچتے ہیں کہ اس بے وفا کو
یاد رکھیں کہ ہم بھول جائیں
حادثات جہاں توبہ توبہ
اٹھ گئیں ہیں جہاں سے وفائیں
دل میں آباد ہے ایک دنیا
آپ محرومیوں پر نہ جائیں
گوشۂ دل سے پرویزؔ اب تک
آ رہی ہیں کسی کی صدائیں