गुलशन से आए हैं न बयाबाँ से आए हैं
दीवाने तेरे सरहद-ए-इम्काँ से आए हैं
इक माह-वश के हुस्न-ए-फ़रोज़ाँ के फ़ैज़ से
दिल में तजल्लियात के तूफ़ाँ से आए हैं
आँखों में है बहार-ए-दो-आलम बसी हुई
हम लोग आज महफ़िल-ए-जानाँ से आए हैं
क्या तेरे बस में उन का मुदावा भी है कोई
दिल में जो ज़ख़्म लुत्फ़-ए-फ़रावाँ से आए हैं
अल्लह रे एहतिमाम-ए-बहाराँ के सिलसिले
सहरा में फूल सेहन-ए-गुलिस्ताँ से आए हैं
उन के करम की मुफ़्त में तौहीन हो गई
इल्ज़ाम हम पे तंगी-ए-दामाँ से आए हैं
दिल को ग़म-ए-जहाँ की शिकायत नहीं रही
आदाब-ए-ज़ीस्त सोहबत-ए-रिंदाँ से आए हैं
क्या याद आ गई वो निगाह-ए-जमील-तर
फिर दिल में इज़्तिराब के पैकाँ से आए हैं
'परवेज़' आसमाँ को न बदनाम कीजिए
जितने सितम हैं कू-ए-निगाराँ से आए हैं
gulshan se aa.e haiñ na bayābāñ se aa.e haiñ
dīvāne tere sarhad-e-imkāñ se aa.e haiñ
ik māh-vash ke husn-e-farozāñ ke faiz se
dil meñ tajalliyāt ke tūfāñ se aa.e haiñ
āñkhoñ meñ hai bahār-e-do-ālam basī huī
ham log aaj mahfil-e-jānāñ se aa.e haiñ
kyā tere bas meñ un kā mudāvā bhī hai koī
dil meñ jo zaḳhm lutf-e-farāvāñ se aa.e haiñ
allah re ehtimām-e-bahārāñ ke silsile
sahrā meñ phuul sehn-e-gulistāñ se aa.e haiñ
un ke karam kī muft meñ tauhīn ho ga.ī
ilzām ham pe tangī-e-dāmāñ se aa.e haiñ
dil ko ġham-e-jahāñ kī shikāyat nahīñ rahī
ādāb-e-zīst sohbat-e-rindāñ se aa.e haiñ
kyā yaad aa ga.ī vo nigāh-e-jamīl-tar
phir dil meñ iztirāb ke paikāñ se aa.e haiñ
'parvez' āsmāñ ko na badnām kījiye
jitne sitam haiñ kū-e-nigārāñ se aa.e haiñ
گلشن سے آئے ہیں نہ بیاباں سے آئے ہیں
دیوانے تیرے سرحد امکاں سے آئے ہیں
اک ماہ وش کے حسن فروزاں کے فیض سے
دل میں تجلیات کے طوفاں سے آئے ہیں
آنکھوں میں ہے بہار دو عالم بسی ہوئی
ہم لوگ آج محفل جاناں سے آئے ہیں
کیا تیرے بس میں ان کا مداوا بھی ہے کوئی
دل میں جو زخم لطف فراواں سے آئے ہیں
اللہ رے اہتمام بہاراں کے سلسلے
صحرا میں پھول صحن گلستاں سے آئے ہیں
ان کے کرم کی مفت میں توہین ہو گئی
الزام ہم پہ تنگئ داماں سے آئے ہیں
دل کو غم جہاں کی شکایت نہیں رہی
آداب زیست صحبت رنداں سے آئے ہیں
کیا یاد آ گئی وہ نگاہ جمیل تر
پھر دل میں اضطراب کے پیکاں سے آئے ہیں
پرویزؔ آسماں کو نہ بدنام کیجئے
جتنے ستم ہیں کوئے نگاراں سے آئے ہیں