न अहल-ए-दिल से न अहल-ए-नज़र से मिलता है
शुऊर-ए-ज़ात फ़क़त अपने दर से मिलता है
तुम्हारे फ़ैज़ से खिलते हैं ज़िंदगी में गुलाब
जुनूँ को रंग तुम्हारी नज़र से मिलता है
बिखर रही हैं ज़ियाएँ निखर रही है फ़ज़ा
तुम्हारा हुस्न जमाल-ए-सहर से मिलता है
फ़रोग़-ए-शौक़ है या इर्तिक़ा-ए-जज़्ब-ए-दरूँ
पता अब अपना तुम्हारी ख़बर से मिलता है
वही है हासिल-ए-इशरत वही वक़ार-ए-हयात
सुकून-ए-दिल जो ग़म-ए-मो'तबर से मिलता है
कहाँ फिर इज़्न-ए-सफ़र मिल गई अगर मंज़िल
सफ़र का ज़ौक़ फ़क़त रहगुज़र से मिलता है
वो कम-सुख़न हैं मगर हम से बे-नियाज़ नहीं
सुराग़-ए-दिल सुख़न-ए-मुख़्तसर से मिलता है
निसार उस पे दो-आलम के मय-कदे 'परवेज़'
वो एक जाम जो उन की नज़र से मिलता है
na ahl-e-dil se na ahl-e-nazar se miltā hai
shu.ūr-e-zāt faqat apne dar se miltā hai
tumhāre faiz se khilte haiñ zindagī meñ gulāb
junūñ ko rang tumhārī nazar se miltā hai
bikhar rahī haiñ ziyā.eñ nikhar rahī hai fazā
tumhārā husn jamāl-e-sahar se miltā hai
faroġh-e-shauq hai yā irtiqā-e-jazb-e-darūñ
patā ab apnā tumhārī ḳhabar se miltā hai
vahī hai hāsil-e-ishrat vahī vaqār-e-hayāt
sukūn-e-dil jo ġham-e-mo'tabar se miltā hai
kahāñ phir izn-e-safar mil ga.ī agar manzil
safar kā zauq faqat rahguzar se miltā hai
vo kam-suḳhan haiñ magar ham se be-niyāz nahīñ
surāġh-e-dil suḳhan-e-muḳhtasar se miltā hai
nisār us pe do-ālam ke mai-kade 'parvez'
vo ek jaam jo un kī nazar se miltā hai
نہ اہل دل سے نہ اہل نظر سے ملتا ہے
شعور ذات فقط اپنے در سے ملتا ہے
تمہارے فیض سے کھلتے ہیں زندگی میں گلاب
جنوں کو رنگ تمہاری نظر سے ملتا ہے
بکھر رہی ہیں ضیائیں نکھر رہی ہے فضا
تمہارا حسن جمال سحر سے ملتا ہے
فروغ شوق ہے یا ارتقائے جذب دروں
پتا اب اپنا تمہاری خبر سے ملتا ہے
وہی ہے حاصل عشرت وہی وقار حیات
سکون دل جو غم معتبر سے ملتا ہے
کہاں پھر اذن سفر مل گئی اگر منزل
سفر کا ذوق فقط رہ گزر سے ملتا ہے
وہ کم سخن ہیں مگر ہم سے بے نیاز نہیں
سراغ دل سخن مختصر سے ملتا ہے
نثار اس پہ دو عالم کے میکدے پرویزؔ
وہ ایک جام جو ان کی نظر سے ملتا ہے