सब्र-ओ-ज़ब्त की जानाँ दास्ताँ तो मैं भी हूँ दास्ताँ तो तुम भी हो
अपनी अपनी 'अज़्मत का आसमाँ तो मैं भी हूँ आसमाँ तो तुम भी हो
साहिलों की दूरी से सावनों के मौसम में कैसे डूब सकते थे
बे-क़रार मौसम में बादबाँ तो मैं भी हूँ बादबाँ तो तुम भी हो
जिस्म अपने फ़ानी हैं जान अपनी फ़ानी है फ़ानी है ये दुनिया भी
फिर भी फ़ानी दुनिया में जावेदाँ तो मैं भी हूँ जावेदाँ तो तुम भी हो
हम ने जो भी पाया है 'इश्क़ के ख़ज़ाने से वो है दफ़्न सीने में
इन दुखों का जान-ए-जाँ पासबाँ तो मैं भी हूँ पासबाँ तो तुम भी हो
फिर पुरानी रस्में हैं और फिर वही दुनिया दरमियाँ में हाएल है
वक़्त और समय का इक तर्जुमाँ तो मैं भी हूँ तर्जुमाँ तो तुम भी हो
हम बिछड़ चुके लेकिन रस्म-ओ-राह की ख़ातिर मिलते रहते हैं वर्ना
कुछ उदास शामों का राज़-दाँ तो मैं भी हूँ राज़-दाँ तो तुम भी हो
एक जैसा दरिया है एक जैसी मौजें हैं एक जैसी तुग़्यानी
आब-ए-ग़म की लहरों के दरमियाँ तो मैं भी हूँ दरमियाँ तो तुम भी हो
sabr-o-zabt kī jānāñ dāstāñ to maiñ bhī huuñ dāstāñ to tum bhī ho
apnī apnī 'azmat kā āsmāñ to maiñ bhī huuñ āsmāñ to tum bhī ho
sāhiloñ kī duurī se sāvanoñ ke mausam meñ kaise Duub sakte the
be-qarār mausam meñ bādbāñ to maiñ bhī huuñ bādbāñ to tum bhī ho
jism apne faanī haiñ jaan apnī faanī hai faanī hai ye duniyā bhī
phir bhī faanī duniyā meñ jāvedāñ to maiñ bhī huuñ jāvedāñ to tum bhī ho
ham ne jo bhī paayā hai 'ishq ke ḳhazāne se vo hai dafn siine meñ
in dukhoñ kā jān-e-jāñ pāsbāñ to maiñ bhī huuñ pāsbāñ to tum bhī ho
phir purānī rasmeñ haiñ aur phir vahī duniyā darmiyāñ meñ haa.el hai
vaqt aur samay kā ik tarjumāñ to maiñ bhī huuñ tarjumāñ to tum bhī ho
ham bichhaḌ chuke lekin rasm-o-rāh kī ḳhātir milte rahte haiñ varna
kuchh udaas shāmoñ kā rāz-dāñ to maiñ bhī huuñ rāz-dāñ to tum bhī ho
ek jaisā dariyā hai ek jaisī maujeñ haiñ ek jaisī tuġhyānī
āb-e-ġham kī lahroñ ke darmiyāñ to maiñ bhī huuñ darmiyāñ to tum bhī ho
صبر و ضبط کی جاناں داستاں تو میں بھی ہوں داستاں تو تم بھی ہو
اپنی اپنی عظمت کا آسماں تو میں بھی ہوں آسماں تو تم بھی ہو
ساحلوں کی دوری سے ساونوں کے موسم میں کیسے ڈوب سکتے تھے
بے قرار موسم میں بادباں تو میں بھی ہوں بادباں تو تم بھی ہو
جسم اپنے فانی ہیں جان اپنی فانی ہے فانی ہے یہ دنیا بھی
پھر بھی فانی دنیا میں جاوداں تو میں بھی ہوں جاوداں تو تم بھی ہو
ہم نے جو بھی پایا ہے عشق کے خزانے سے وہ ہے دفن سینے میں
ان دکھوں کا جان جاں پاسباں تو میں بھی ہوں پاسباں تو تم بھی ہو
پھر پرانی رسمیں ہیں اور پھر وہی دنیا درمیاں میں حائل ہے
وقت اور سمے کا اک ترجماں تو میں بھی ہوں ترجماں تو تم بھی ہو
ہم بچھڑ چکے لیکن رسم و راہ کی خاطر ملتے رہتے ہیں ورنہ
کچھ اداس شاموں کا راز داں تو میں بھی ہوں راز داں تو تم بھی ہو
ایک جیسا دریا ہے ایک جیسی موجیں ہیں ایک جیسی طغیانی
آب غم کی لہروں کے درمیاں تو میں بھی ہوں درمیاں تو تم بھی ہو