सब सहीफ़ों को ताक़ पर रख दो
जी नहीं मानता मगर रख दो
अश्क जी खोल कर बहा लूँ मैं
हाथ आँखों पे तुम अगर रख दो
जिस में माहौल ही न हो घर का
एक कोने में ऐसा घर रख दो
तुम को रोने की जब जगह न मिले
मेरे शाने पे अपना सर रख दो
सोच इक बोझ है मिरे दिल पर
इस को ले कर इधर उधर रख दो
हाल ही आ के पूछ लो मेरा
एक मरहम सा घाव पर रख दो
कश्तियाँ आएँगी इधर कुछ और
मेरी नाव में सब भँवर रख दो
तजरबे अपनी ज़ीस्त के 'राहत'
एक गठरी में बाँध कर रख दो
sab sahīfoñ ko taaq par rakh do
jī nahīñ māntā magar rakh do
ashk jī khol kar bahā luuñ maiñ
haath āñkhoñ pe tum agar rakh do
jis meñ māhaul hī na ho ghar kā
ek kone meñ aisā ghar rakh do
tum ko rone kī jab jagah na mile
mere shāne pe apnā sar rakh do
soch ik bojh hai mire dil par
is ko le kar idhar udhar rakh do
haal hī aa ke pūchh lo merā
ek marham sā ghaav par rakh do
kashtiyāñ ā.eñgī idhar kuchh aur
merī naav meñ sab bhañvar rakh do
tajrabe apnī ziist ke 'rāhat'
ek gaThrī meñ bāñdh kar rakh do
سب صحیفوں کو طاق پر رکھ دو
جی نہیں مانتا مگر رکھ دو
اشک جی کھول کر بہا لوں میں
ہاتھ آنکھوں پہ تم اگر رکھ دو
جس میں ماحول ہی نہ ہو گھر کا
ایک کونے میں ایسا گھر رکھ دو
تم کو رونے کی جب جگہ نہ ملے
میرے شانے پہ اپنا سر رکھ دو
سوچ اک بوجھ ہے مرے دل پر
اس کو لے کر ادھر ادھر رکھ دو
حال ہی آ کے پوچھ لو میرا
ایک مرہم سا گھاؤ پر رکھ دو
کشتیاں آئیں گی ادھر کچھ اور
میری ناؤ میں سب بھنور رکھ دو
تجربے اپنی زیست کے راحتؔ
ایک گٹھری میں باندھ کر رکھ دو