सामने उन को पाया तो हम खो गए आज फिर हसरत-ए-गुफ़्तुगू रह गई
उन से कहना था रूदाद-ए-शाम-ए-अलम दिल की दिल ही में ये आरज़ू रह गई
ग़म के साँचे में इक इक नफ़स ढल गया उन की महफ़िल में ये दौर भी चल गया
अश्क पीने से माना कि दिल जल गया ज़ब्त-ए-ग़म की मगर आबरू रह गई
तेरे नक़्श-ए-क़दम भी मिले जा-ब-जा तेरी महफ़िल तिरा आस्ताँ भी मिला
हाँ मगर तू किसी को नहीं मिल सका हो के नाकाम हर जुस्तुजू रह गई
दिल में दाग़ों का जब से है इक गुलसिताँ छिन गई हैं बहारों से रंगीनियाँ
अब गुलों में वो पहली सी निकहत कहाँ 'आरज़ी रौनक़-ए-रंग-ओ-बू रह गई
नाज़ था हम को जिन पर उन्हीं की क़सम वो भी उल्फ़त में निकले न साबित-क़दम
बे-कसी के अँधेरे में ऐ शाम-ए-ग़म एक हम रह गए एक तू रह गई
अल्लाह अल्लाह तिरे हुस्न की इक झलक रौशनी हो गई अज़-ज़मीं-ता-फ़लक
एक बिजली सी लहराई कुछ दूर तक फिर ठहर कर मिरे रू-ब-रू रह गई
आँख से आँख और दिल से दिल जब मिला जाने उन की निगाहों ने क्या कर दिया
मेरी आँखों में उस रोज़ से ऐ 'सबा' खिंच के तस्वीर-ए-जाम-ओ-सुबू रह गई
sāmne un ko paayā to ham kho ga.e aaj phir hasrat-e-guftugū rah ga.ī
un se kahnā thā rūdād-e-shām-e-alam dil kī dil hī meñ ye aarzū rah ga.ī
ġham ke sāñche meñ ik ik nafas Dhal gayā un kī mahfil meñ ye daur bhī chal gayā
ashk piine se maanā ki dil jal gayā zabt-e-ġham kī magar aabrū rah ga.ī
tere naqsh-e-qadam bhī mile jā-ba-jā terī mahfil tirā āstāñ bhī milā
haañ magar tū kisī ko nahīñ mil sakā ho ke nākām har justujū rah ga.ī
dil meñ dāġhoñ kā jab se hai ik gulsitāñ chhin ga.ī haiñ bahāroñ se rangīniyāñ
ab guloñ meñ vo pahlī sī nik.hat kahāñ 'ārzī raunaq-e-rañg-o-bū rah ga.ī
naaz thā ham ko jin par unhīñ kī qasam vo bhī ulfat meñ nikle na sābit-qadam
be-kasī ke añdhere meñ ai shām-e-ġham ek ham rah ga.e ek tū rah ga.ī
allāh allāh tire husn kī ik jhalak raushnī ho ga.ī az-zamīñ-tā-falak
ek bijlī sī lahrā.ī kuchh duur tak phir Thahar kar mire rū-ba-rū rah ga.ī
aañkh se aañkh aur dil se dil jab milā jaane un kī nigāhoñ ne kyā kar diyā
merī āñkhoñ meñ us roz se ai 'sabā' khiñch ke tasvīr-e-jām-o-subū rah ga.ī
سامنے ان کو پایا تو ہم کھو گئے آج پھر حسرت گفتگو رہ گئی
ان سے کہنا تھا روداد شام الم دل کی دل ہی میں یہ آرزو رہ گئی
غم کے سانچے میں اک اک نفس ڈھل گیا ان کی محفل میں یہ دور بھی چل گیا
اشک پینے سے مانا کہ دل جل گیا ضبط غم کی مگر آبرو رہ گئی
تیرے نقش قدم بھی ملے جا بجا تیری محفل ترا آستاں بھی ملا
ہاں مگر تو کسی کو نہیں مل سکا ہو کے ناکام ہر جستجو رہ گئی
دل میں داغوں کا جب سے ہے اک گلستاں چھن گئی ہیں بہاروں سے رنگینیاں
اب گلوں میں وہ پہلی سی نکہت کہاں عارضی رونق رنگ و بو رہ گئی
ناز تھا ہم کو جن پر انہیں کی قسم وہ بھی الفت میں نکلے نہ ثابت قدم
بے کسی کے اندھیرے میں اے شام غم ایک ہم رہ گئے ایک تو رہ گئی
اللہ اللہ ترے حسن کی اک جھلک روشنی ہو گئی از زمیں تا فلک
ایک بجلی سی لہرائی کچھ دور تک پھر ٹھہر کر مرے روبرو رہ گئی
آنکھ سے آنکھ اور دل سے دل جب ملا جانے ان کی نگاہوں نے کیا کر دیا
میری آنکھوں میں اس روز سے اے صباؔ کھنچ کے تصویر جام و سبو رہ گئی