कारवाँ लुट गया राहबर छुट गया रात तारीक है ग़म का यारा नहीं
राह में भी कोई शम' जलती नहीं आसमाँ पर भी कोई सितारा नहीं
ये बहार-ओ-ख़िज़ाँ ये ख़ुशी और ग़म ये हसीं नाज़नीं दिल के पत्थर सनम
सब सहारे हैं बस चार दिन के लिए ज़िंदगी-भर का कोई सहारा नहीं
मेरी ग़ैरत मिरी आन का इम्तिहाँ तेरी साज़िश पे भारी है ऐ बाग़बाँ
जान दे दूँ अभी ये तो मंज़ूर है गुलसिताँ छोड़ दूँ ये गवारा नहीं
घट गई या तो ज़ौक़-ए-सफ़र की लगन बढ़ गई या नई लग़्ज़िशों से थकन
कोई तो बात है जो सर-ए-रह-गुज़र आज मंज़िल ने हम को पुकारा नहीं
तुम हो मुख़्तार ये दिल की आवाज़ है आख़िर इस बात में कौन सा राज़ है
जिस को निस्बत तुम्हारे ही दर से रही वो मुक़द्दर भी तुम ने सँवारा नहीं
इस से बढ़ कर कोई और कैसे जिए 'उम्र-भर हम ने इक बेवफ़ा के लिए
कौन सी रात आँखों में काटी नहीं कौन सा दिन तड़प कर गुज़ारा नहीं
रास आए जिसे उस को आसान है 'इश्क़ की वर्ना हर मौज तूफ़ान है
ऐ 'सबा' एक दरिया है ये आग का वो भी ऐसा कि जिस का किनारा नहीं
kārvāñ luT gayā rāhbar chhuT gayā raat tārīk hai ġham kā yaarā nahīñ
raah meñ bhī koī sham' jaltī nahīñ āsmāñ par bhī koī sitārā nahīñ
ye bahār-o-ḳhizāñ ye ḳhushī aur ġham ye hasīñ nāznīñ dil ke patthar sanam
sab sahāre haiñ bas chaar din ke liye zindagī-bhar kā koī sahārā nahīñ
merī ġhairat mirī aan kā imtihāñ terī sāzish pe bhārī hai ai bāġhbāñ
jaan de duuñ abhī ye to manzūr hai gulsitāñ chhoḌ duuñ ye gavārā nahīñ
ghaT ga.ī yā to zauq-e-safar kī lagan baḌh ga.ī yā na.ī laġhzishoñ se thakan
koī to baat hai jo sar-e-rah-guzar aaj manzil ne ham ko pukārā nahīñ
tum ho muḳhtār ye dil kī āvāz hai āḳhir is baat meñ kaun sā raaz hai
jis ko nisbat tumhāre hī dar se rahī vo muqaddar bhī tum ne sañvārā nahīñ
is se baḌh kar koī aur kaise jiye 'umr-bhar ham ne ik bevafā ke liye
kaun sī raat āñkhoñ meñ kaaTī nahīñ kaun sā din taḌap kar guzārā nahīñ
raas aa.e jise us ko āsān hai 'ishq kī varna har mauj tūfān hai
ai 'sabā' ek dariyā hai ye aag kā vo bhī aisā ki jis kā kinārā nahīñ
کارواں لٹ گیا راہبر چھٹ گیا رات تاریک ہے غم کا یارا نہیں
راہ میں بھی کوئی شمع جلتی نہیں آسماں پر بھی کوئی ستارا نہیں
یہ بہار و خزاں یہ خوشی اور غم یہ حسیں نازنیں دل کے پتھر صنم
سب سہارے ہیں بس چار دن کے لیے زندگی بھر کا کوئی سہارا نہیں
میری غیرت مری آن کا امتحاں تیری سازش پہ بھاری ہے اے باغباں
جان دے دوں ابھی یہ تو منظور ہے گلستاں چھوڑ دوں یہ گوارا نہیں
گھٹ گئی یا تو ذوق سفر کی لگن بڑھ گئی یا نئی لغزشوں سے تھکن
کوئی تو بات ہے جو سر رہگزر آج منزل نے ہم کو پکارا نہیں
تم ہو مختار یہ دل کی آواز ہے آخر اس بات میں کون سا راز ہے
جس کو نسبت تمہارے ہی در سے رہی وہ مقدر بھی تم نے سنوارا نہیں
اس سے بڑھ کر کوئی اور کیسے جیے عمر بھر ہم نے اک بے وفا کے لیے
کون سی رات آنکھوں میں کاٹی نہیں کون سا دن تڑپ کر گزارا نہیں
راس آئے جسے اس کو آسان ہے عشق کی ورنہ ہر موج طوفان ہے
اے صباؔ ایک دریا ہے یہ آگ کا وہ بھی ایسا کہ جس کا کنارا نہیں