गुलशन की फ़क़त फूलों से नहीं काँटों से भी ज़ीनत होती है
जीने के लिए इस दुनिया में ग़म की भी ज़रूरत होती है
हर शाम-ओ-सहर क़ुर्बां जिस पर दुनिया-ए-मसर्रत होती है
वो पैकर-ए-राहत क्या जाने कैसी शब-ए-फ़ुर्क़त होती है
ऐ वाइज़-ए-नादाँ करता है तू एक क़यामत का चर्चा
याँ रोज़ निगाहें मिलती हैं याँ रोज़ क़यामत होती है
करना ही पड़ेगा ज़ब्त-ए-अलम पीने ही पड़ेंगे ये आँसू
फ़रियाद-ओ-फ़ुग़ाँ से ऐ नादाँ तौहीन-ए-मोहब्बत होती है
वो पुर्सिश-ए-ग़म को आए हैं कुछ कह न सकूँ चुप रह न सकूँ
ख़ामोश रहूँ तो मुश्किल है कह दूँ तो शिकायत होती है
ऐ दोस्त जुदाई में तेरी कुछ ऐसे भी लम्हे आते हैं
सेजों पे भी तड़पा करता हूँ काँटों पे भी राहत होती है
जो आ के रुके दामन पे 'सबा' वो अश्क नहीं है पानी है
जो अश्क न छलके आँखों से उस अश्क की क़ीमत होती है
gulshan kī faqat phūloñ se nahīñ kāñToñ se bhī zīnat hotī hai
jiine ke liye is duniyā meñ ġham kī bhī zarūrat hotī hai
har shām-o-sahar qurbāñ jis par duniyā-e-masarrat hotī hai
vo paikar-e-rāhat kyā jaane kaisī shab-e-furqat hotī hai
ai vā.iz-e-nādān kartā hai tū ek qayāmat kā charchā
yaañ roz nigāheñ miltī haiñ yaañ roz qayāmat hotī hai
karnā hī paḌegā zabt-e-alam piine hī paḌeñge ye aañsū
fariyād-o-fuġhāñ se ai nādāñ tauhīn-e-mohabbat hotī hai
vo pursish-e-ġham ko aa.e haiñ kuchh kah na sakūñ chup rah na sakūñ
ḳhāmosh rahūñ to mushkil hai kah duuñ to shikāyat hotī hai
ai dost judā.ī meñ terī kuchh aise bhī lamhe aate haiñ
sejoñ pe bhī taḌpā kartā huuñ kāñToñ pe bhī rāhat hotī hai
jo aa ke ruke dāman pe 'sabā' vo ashk nahīñ hai paanī hai
jo ashk na chhalke āñkhoñ se us ashk kī qīmat hotī hai
گلشن کی فقط پھولوں سے نہیں کانٹوں سے بھی زینت ہوتی ہے
جینے کے لئے اس دنیا میں غم کی بھی ضرورت ہوتی ہے
ہر شام و سحر قرباں جس پر دنیائے مسرت ہوتی ہے
وہ پیکر راحت کیا جانے کیسی شب فرقت ہوتی ہے
اے واعظ ناداں کرتا ہے تو ایک قیامت کا چرچا
یاں روز نگاہیں ملتی ہیں یاں روز قیامت ہوتی ہے
کرنا ہی پڑے گا ضبط الم پینے ہی پڑیں گے یہ آنسو
فریاد و فغاں سے اے ناداں توہین محبت ہوتی ہے
وہ پرسش غم کو آئے ہیں کچھ کہہ نہ سکوں چپ رہ نہ سکوں
خاموش رہوں تو مشکل ہے کہہ دوں تو شکایت ہوتی ہے
اے دوست جدائی میں تیری کچھ ایسے بھی لمحے آتے ہیں
سیجوں پہ بھی تڑپا کرتا ہوں کانٹوں پہ بھی راحت ہوتی ہے
جو آ کے رکے دامن پہ صباؔ وہ اشک نہیں ہے پانی ہے
جو اشک نہ چھلکے آنکھوں سے اس اشک کی قیمت ہوتی ہے