होश-ओ-ख़िरद से दूर हूँ सूद-ओ-ज़ियाँ से दूर
दीवाना हूँ क़ुयूद-ए-रुसूम-ए-जहाँ से दूर
हद्द-ए-नज़र से दूर ज़मान-ओ-मकाँ से दूर
मंज़िल है मेरे इश्क़ की फ़हम-ओ-गुमाँ से दूर
रंगीनी-ए-जमाल से सहरा भी है चमन
बैठा हूँ गुल्सिताँ में मगर गुल्सिताँ से दूर
ये बे-ख़ुदी-ए-शौक़ का आलम तो देखिए
सज्दे तो कर रहा हूँ मगर आस्ताँ से दूर
दिल भी वही है मैं भी वही दर्द भी वही
लेकिन ये क्या कि लज़्ज़त-ए-सोज़-ए-निहाँ से दूर
शायद उसी का नाम है नाकामी-ए-मुराद
मंज़िल से हूँ क़रीब मगर कारवाँ से दूर
अफ़्साना-ए-हयात को समझो तो ऐ 'सबा'
हर हर्फ़ दास्ताँ है मगर दास्ताँ से दूर
hosh-o-ḳhirad se duur huuñ sūd-o-ziyāñ se duur
dīvāna huuñ quyūd-e-rusūm-e-jahāñ se duur
hadd-e-nazar se duur zamān-o-makāñ se duur
manzil hai mere ishq kī fahm-o-gumāñ se duur
rañgīnī-e-jamāl se sahrā bhī hai chaman
baiThā huuñ gulsitāñ meñ magar gulsitāñ se duur
ye be-ḳhudī-e-shauq kā aalam to dekhiye
sajde to kar rahā huuñ magar āstāñ se duur
dil bhī vahī hai maiñ bhī vahī dard bhī vahī
lekin ye kyā ki lazzat-e-soz-e-nihāñ se duur
shāyad usī kā naam hai nākāmī-e-murād
manzil se huuñ qarīb magar kārvāñ se duur
afsāna-e-hayāt ko samjho to ai 'sabā'
har harf dāstāñ hai magar dāstāñ se duur
ہوش و خرد سے دور ہوں سود و زیاں سے دور
دیوانہ ہوں قیود رسوم جہاں سے دور
حد نظر سے دور زمان و مکاں سے دور
منزل ہے میرے عشق کی فہم و گماں سے دور
رنگینیٔ جمال سے صحرا بھی ہے چمن
بیٹھا ہوں گلستاں میں مگر گلستاں سے دور
یہ بے خودیٔ شوق کا عالم تو دیکھیے
سجدے تو کر رہا ہوں مگر آستاں سے دور
دل بھی وہی ہے میں بھی وہی درد بھی وہی
لیکن یہ کیا کہ لذت سوز نہاں سے دور
شاید اسی کا نام ہے ناکامیٔ مراد
منزل سے ہوں قریب مگر کارواں سے دور
افسانۂ حیات کو سمجھو تو اے صباؔ
ہر حرف داستاں ہے مگر داستاں سے دور