रुख़-ए-निगार से है सोज़-ए-जावेदानी-ए-शमअ'
हुई है आतिश-ए-गुल आब-ए-ज़ि़ंदगानी-ए-शमअ'
ज़बान-ए-अहल-ए-ज़बाँ में है मर्ग-ए-ख़ामोशी
ये बात बज़्म में रौशन हुई ज़बानी-ए-शमअ'
करे है सर्फ़ ब-ईमा-ए-शो'ला क़िस्सा तमाम
ब-तर्ज़-ए-अहल-ए-फ़ना है फ़साना-ख़्वानी-ए-शमअ'
ग़म उस को हसरत-ए-परवाना का है ऐ शो'ले
तिरे लरज़ने से ज़ाहिर है ना-तवानी-ए-शमअ'
तिरे ख़याल से रूह एहतिज़ाज़ करती है
ब-जल्वा-रेज़ी-ए-बाद-ओ-ब-पर-फ़िशानी-ए-शमअ'
नशात-ए-दाग़-ए-ग़म-ए-इश्क़ की बहार न पूछ
शगुफ़्तगी है शहीद-ए-गुल-ए-खिज़ानी-ए-शमअ'
जले है देख के बालीन-ए-यार पर मुझ को
न क्यूँ हो दिल पे मिरे दाग़-ए-बद-गुमानी-ए-शमअ'
ruḳh-e-nigār se hai soz-e-jāvidānī-e-sham.a
huī hai ātish-e-gul āb-e-zindagānī-e-sham.a
zabān-e-ahl-e-zabāñ meñ hai marg-e-ḳhāmoshī
ye baat bazm meñ raushan huī zabānī-e-sham.a
kare hai sarf ba-īmā-e-sho.ala qissa tamām
ba-tarz-e-ahl-e-fanā hai fasāna-ḳhvānī-e-sham.a
ġham us ko hasrat-e-parvāna kā hai ai sho.ale
tire larazne se zāhir hai nā-tavānī-e-sham.a
tire ḳhayāl se ruuh ehtizāz kartī hai
ba-jalva-rezi-e-bād-o-ba-par-fishānī-e-sham.a
nashāt-e-dāġh-e-ġham-e-ishq kī bahār na pūchh
shaguftagī hai shahīd-e-gul-e-ḳhizānī-e-sham.a
jale hai dekh ke bālīn-e-yār par mujh ko
na kyuuñ ho dil pe mire dāġh-e-bad-gumānī-e-sham.a
رخ نگار سے ہے سوز جاودانی شمع
ہوئی ہے آتش گل آب زندگانی شمع
زبان اہل زباں میں ہے مرگ خاموشی
یہ بات بزم میں روشن ہوئی زبانی شمع
کرے ہے صرف بہ ایماۓ شعلہ قصہ تمام
بہ طرز اہل فنا ہے فسانہ خوانی شمع
غم اس کو حسرت پروانہ کا ہے اے شعلے
ترے لرزنے سے ظاہر ہے نا توانی شمع
ترے خیال سے روح اہتزاز کرتی ہے
بہ جلوہ ریزی باد و بہ پر فشانی شمع
نشاط داغ غم عشق کی بہار نہ پوچھ
شگفتگی ہے شہید گل خزانی شمع
جلے ہے دیکھ کے بالین یار پر مجھ کو
نہ کیوں ہو دل پہ مرے داغ بد گمانی شمع