अफ़्सोस कि दंदाँ का किया रिज़्क़ फ़लक ने
जिन लोगों की थी दर-ख़ुर-ए-अक़्द-ए-गुहर अंगुश्त
काफ़ी है निशानी तिरा छल्ले का न देना
ख़ाली मुझे दिखला के ब-वक़्त-ए-सफ़र अंगुश्त
लिखता हूँ 'असद' सोज़िश-ए-दिल से सुख़न-ए-गर्म
ता रख न सके कोई मिरे हर्फ़ पर अंगुश्त
जाता हूँ जिधर सब की उठे है उधर अंगुश्त
यक-दस्त जहाँ मुझ से फिरा है मगर अंगुश्त
मिज़्गाँ की मोहब्बत में जो अंगुश्त-नुमा हूँ
लगती है मुझे तीर के मानिंद हर अंगुश्त
हर ग़ुंचा-ए-गुल सूरत-ए-यक-क़तरा-ए-ख़ूँ है
देखा है किसू का जो हिना-बस्ता सर-ए-अंगुश्त
गर्मी है ज़बाँ की सबब-ए-सोख़्तन-ए-जाँ
हर शम' शहादत को है याँ सर-बसर अंगुश्त
ख़ूँ दिल में जो मेरे नहीं बाक़ी तो 'अजब क्या
जूँ माही-ए-बे-आब तड़पती है हर अंगुश्त
शोख़ी तिरी कह देती है अहवाल हमारा
राज़-ए-दिल-ए-सद-पारा की है पर्दा दर-ए-अंगुश्त
किस रुत्बा में बारीकी-ओ-नर्मी है कि जूँ गुल
आती नहीं पंजा में बस इस के नज़र अंगुश्त
मैं उल्फ़त-ए-मिज़्गाँ में जो अंगुश्त नुमा हूँ
लगती है मुझे तीर के मानिंद हर अंगुश्त
afsos ki dandāñ kā kiyā rizq falak ne
jin logoñ kī thī dar-ḳhur-e-aqd-e-guhar añgusht
kaafī hai nishānī tirā chhalle kā na denā
ḳhālī mujhe dikhlā ke ba-vaqt-e-safar añgusht
likhtā huuñ 'asad' sozish-e-dil se suḳhan-e-garm
tā rakh na sake koī mire harf par añgusht
jaatā huuñ jidhar sab kī uThe hai udhar añgusht
yak-dast jahāñ mujh se phirā hai magar añgusht
mizhgāñ kī mohabbat meñ jo añgusht-numā huuñ
lagtī hai mujhe tiir ke mānind har añgusht
har ġhuncha-e-gul sūrat-e-yak-qatra-e-ḳhūñ hai
dekhā hai kisū kā jo hinā-basta sar-e-añgusht
garmī hai zabāñ kī sabab-e-soḳhtan-e-jāñ
har sham' shahādat ko hai yaañ sar-basar añgusht
ḳhuuñ dil meñ jo mere nahīñ baaqī to 'ajab kyā
juuñ māhī-e-be-āb taḌaptī hai har añgusht
shoḳhī tirī kah detī hai ahvāl hamārā
rāz-e-dil-e-sad-pāra kī hai parda dar-e-añgusht
kis rutba meñ bārīkī-o-narmī hai ki juuñ gul
aatī nahīñ panja meñ bas is ke nazar añgusht
maiñ ulfat-e-mizhgāñ meñ jo añgusht numā huuñ
lagtī hai mujhe tiir ke mānind har añgusht
افسوس کہ دنداں کا کیا رزق فلک نے
جن لوگوں کی تھی در خور عقد گہر انگشت
کافی ہے نشانی ترا چھلے کا نہ دینا
خالی مجھے دکھلا کے بہ وقت سفر انگشت
لکھتا ہوں اسدؔ سوزش دل سے سخن گرم
تا رکھ نہ سکے کوئی مرے حرف پر انگشت
جاتا ہوں جدھر سب کی اٹھے ہے ادھر انگشت
یک دست جہاں مجھ سے پھرا ہے مگر انگشت
مژگاں کی محبت میں جو انگشت نما ہوں
لگتی ہے مجھے تیر کے مانند ہر انگشت
ہر غنچۂ گل صورت یک قطرۂ خوں ہے
دیکھا ہے کسو کا جو حنا بستہ سر انگشت
گرمی ہے زباں کی سبب سوختن جاں
ہر شمع شہادت کو ہے یاں سربسر انگشت
خوں دل میں جو میرے نہیں باقی تو عجب کیا
جوں ماہیٔ بے آب تڑپتی ہے ہر انگشت
شوخی تری کہہ دیتی ہے احوال ہمارا
راز دل صد پارہ کی ہے پردہ در انگشت
کس رتبہ میں باریکی و نرمی ہے کہ جوں گل
آتی نہیں پنجہ میں بس اس کے نظر انگشت
میں الفت مژگاں میں جو انگشت نما ہوں
لگتی ہے مجھے تیر کے مانند ہر انگشت