बर्शिकाल-ए-गिर्या-ए-आशिक़ है देखा चाहिए
खिल गई मानिंद-ए-गुल सौ जा से दीवार-ए-चमन
उल्फ़त-ए-गुल से ग़लत है दावा-ए-वारस्तगी
सर्व है बा-वस्फ़-ए-आज़ादी गिरफ़्तार-ए-चमन
साफ़ है अज़ बस-कि अक्स-ए-गुल से गुलज़ार-ए-चमन
जानशीन-ए-जौहर-ए-आईना है ख़ार-ए-चमन
है नज़ाकत बस कि फ़स्ल-ए-गुल में मेमार-ए-चमन
क़ालिब-ए-गुल में ढली है ख़िश्त-ए-दीवार-ए-चमन
तेरी आराइश का इस्तिक़बाल करती है बहार
जौहर-ए-आईना है याँ नक़्श-ए-एहज़ार-ए-चमन
बस कि पाई यार की रंगीं-अदाई से शिकस्त
है कुलाह-ए-नाज़-ए-गुल बर ताक़-ए-दीवार-ए-चमन
वक़्त है गर बुलबुल-ए-मिस्कीं ज़ुलेख़ाई करे
यूसुफ़-ए-गुल जल्वा-फ़रमा है ब-बाज़ार-ए-चमन
वहशत-अफ़्ज़ा गिर्या-हा मौक़ूफ़-ए-फ़स्ल-ए-गुल 'असद'
चश्म-ए-दरिया-रेज़ है मीज़ाब-ए-सरकार-ए-चमन
barshikāl-e-girya-e-āshiq hai dekhā chāhiye
khil ga.ī mānind-e-gul sau jā se dīvār-e-chaman
ulfat-e-gul se ġhalat hai dāva-e-vārastagī
sarv hai bā-vasf-e-āzādī giraftār-e-chaman
saaf hai az bas-ki aks-e-gul se gulzār-e-chaman
jānashīn-e-jauhar-e-ā.īna hai ḳhār-e-chaman
hai nazākat bas ki fasl-e-gul meñ me.amār-e-chaman
qālib-e-gul meñ Dhalī hai ḳhisht-e-dīvār-e-chaman
terī ārā.ish kā istiqbāl kartī hai bahār
jauhar-e-ā.īna hai yaañ naqsh-e-ehzār-e-chaman
bas ki paa.ī yaar kī rañgīñ-adā.ī se shikast
hai kulāh-e-nāz-e-gul bar tāq-e-dīvār-e-chaman
vaqt hai gar bulbul-e-miskīñ zuleḳhā.i kare
yūsuf-e-gul jalva-farmā hai ba-bāzār-e-chaman
vahshat-afzā girya-hā mauqūf-e-fasl-e-gul 'asad'
chashm-e-dariyā-rez hai mīzāb-e-sarkār-e-chaman
برشکال گریۂ عاشق ہے دیکھا چاہیے
کھل گئی مانند گل سو جا سے دیوار چمن
الفت گل سے غلط ہے دعوی وارستگی
سرو ہے با وصف آزادی گرفتار چمن
صاف ہے از بسکہ عکس گل سے گلزار چمن
جانشین جوہر آئینہ ہے خار چمن
ہے نزاکت بس کہ فصل گل میں معمار چمن
قالب گل میں ڈھلی ہے خشت دیوار چمن
تیری آرائش کا استقبال کرتی ہے بہار
جوہر آئینہ ہے یاں نقش احضار چمن
بس کہ پائی یار کی رنگیں ادائی سے شکست
ہے کلاہ ناز گل بر طاق دیوار چمن
وقت ہے گر بلبل مسکیں زلیخائی کرے
یوسف گل جلوہ فرما ہے بہ بازار چمن
وحشت افزا گریہ ہا موقوف فصل گل اسدؔ
چشم دریا ریز ہے میزاب سرکار چمن