रिंदान-ए-तिश्ना-काम को जा कर ख़बर करें
आई बहार अब्र-ए-करम पर नज़र करें
हूँ मुन्फ़इल ज़रूर मगर ऐ गुनाह-ए-इश्क़
अब अश्क भी नहीं हैं जो दामन को तर करें
बे-वज्ह कब है पुर्सिश-ए-हाल-ए-शब-ए-फ़िराक़
मक़्सद ये है इज़ाफ़ा-ए-दर्द-ए-जिगर करें
फ़ुर्सत के दिन हैं साक़ी-ए-मय-कश-नवाज़ उठ
क्यूँ इंतिज़ार-ए-मौसम-ए-दीवाना-गर करें
मुझ पर उठा रहे हैं जो महफ़िल में उँगलियाँ
अपनी हक़ीक़तों पे तो आख़िर नज़र करें
का'बे में ख़ामोशी है सनम-ख़ाने में सुकूत
सूरत-परस्त अब तिरे सज्दा किधर करें
उफ़ रे जमाल-ए-जल्वा-ए-जानाँ की ताबिशें
देखें उन्हें कि मातम-ए-ताब-ए-नज़र करें
औराक़-ए-दो-जहाँ पे भी होगा न इख़्तिताम
'एहसान' सरगुज़श्त-ए-अलम मुख़्तसर करें
rindān-e-tishna-kām ko jā kar ḳhabar kareñ
aa.ī bahār abr-e-karam par nazar kareñ
huuñ munfa.il zarūr magar ai gunāh-e-ishq
ab ashk bhī nahīñ haiñ jo dāman ko tar kareñ
be-vaj.h kab hai pursish-e-hāl-e-shab-e-firāq
maqsad ye hai izāfa-e-dard-e-jigar kareñ
fursat ke din haiñ sāqī-e-mai-kash-navāz uTh
kyuuñ intizār-e-mausam-e-dīvāna-gar kareñ
mujh par uThā rahe haiñ jo mahfil meñ uñgliyāñ
apnī haqīqatoñ pe to āḳhir nazar kareñ
ka.abe meñ ḳhāmoshī hai sanam-ḳhāne meñ sukūt
sūrat-parast ab tire sajda kidhar kareñ
uf re jamāl-e-jalva-e-jānāñ kī tābisheñ
dekheñ unheñ ki mātam-e-tāb-e-nazar kareñ
aurāq-e-do-jahāñ pe bhī hogā na iḳhtitām
'ehsān' sarguzasht-e-alam muḳhtasar kareñ
رندان تشنہ کام کو جا کر خبر کریں
آئی بہار ابر کرم پر نظر کریں
ہوں منفعل ضرور مگر اے گناہ عشق
اب اشک بھی نہیں ہیں جو دامن کو تر کریں
بے وجہ کب ہے پرسش حال شب فراق
مقصد یہ ہے اضافۂ درد جگر کریں
فرصت کے دن ہیں ساقئ میکش نواز اٹھ
کیوں انتظار موسم دیوانہ گر کریں
مجھ پر اٹھا رہے ہیں جو محفل میں انگلیاں
اپنی حقیقتوں پہ تو آخر نظر کریں
کعبہ میں خاموشی ہے صنم خانے میں سکوت
صورت پرست اب ترے سجدہ کدھر کریں
اف رے جمال جلوۂ جاناں کی تابشیں
دیکھیں انہیں کہ ماتم تاب نظر کریں
اوراق دو جہاں پہ بھی ہوگا نہ اختتام
احسانؔ سرگذشت الم مختصر کریں